Ҳаёву чакан роҳи тоҷикдухтарро ба озмуни зебоии Маскав кушод

© Фото : Фарход ДжомахмадзодаДиля Холикова, архивное фото
Диля Холикова, архивное фото - Sputnik Тоҷикистон
Обуна шудан
Дилфуза Холиқова - тоҷикдухтари муқими Русия барои ширкат дар яке аз озмунҳои зебоӣ дар Маскав роҳхат гирифт

ДУШАНБЕ, 6 июн — Sputnik. Дилфуза Холиқова дар озмуни зебоии Мисс "Москва — Событие" аз Тоҷикистон намояндагӣ мекунад.

Чуноне ки Фарҳод Ҷомаҳмадзода ба Sputnik Тоҷикистон иттилоъ дод, Дилфуза дар давраи аввали ин озмун ширкат карда ва ба дигар давраҳо роҳ ёфтааст.

"Дилфуза бо пешниҳоди яке аз дугонаҳояш ба ҳунарозмоӣ ё кастинг меояд ва доварон ӯро интихоб мекунанд",- гуфт ӯ ва афзуд, ки пӯшоки тоҷикии Дилфуза, ки пироҳани чакан ба бар карда буд, боис шудааст, ки доварони ҳунарозмоӣ ӯро интихоб кунанд.

"Диля, дар тан пироҳани дарози чакан ба кастинг омада, ҳамаро дар ҳайрат гузоштааст. Коргардон шӯхиомез гуфтааст, ки "дақиқан худат пирӯз хоҳӣ шуд", — афзуд Ҷомаҳмадзода.

Ёсуман Холова - Sputnik Тоҷикистон
Ёсуман - Сафири Сулҳ ё намояндаи расмии қаторҳои Куреи Ҷанубӣ

Ҳамчунин яке аз шартҳои озмун, роҳ рафтан дар либоси  нимбараҳна — шино будааст, ки Дилфуза онро напазируфтааст ва доварон ин дархосташро низ ба назар гирифтаанд.

Дилфуза Холиқова дар ноҳияи Шаҳритус ба дунё омада, 23-сола аст. Вай 15 сол боз дар Русия зиндагӣ дорад ва Донишгоҳи ҳунари шаҳри Череповетскро ба поён бурдааст.

Чуноне ки худаш мегӯяд, кӯшиш дорад таҳсилашро дар Донишгоҳи равобити байналмилали Русия ё МГИМО идома диҳад.

Озмуни зебоии Мисс "Москва-Событие"-ро даргоҳи иттилоърасонии "Москва — Событие" баргузор мекунад. Ҳадаф аз баргузории он шиносоии духтарони фаъол ва боистеъдод мебошад. Дар ин озмун духтарони аз 18-сола то 25-сола метавонанд ширкат кунанд. Озмуни зебоии Маскав аз чаҳор давра иборат буда, барандаи озмунро тоҷ, ҷоизаи нақдӣ ва дигар ҳадяҳо интизор аст.

Даври ниҳоии ин озмуни зебоӣ 20-уми август баргузор мешавад.

Лентаи хабарҳо
0