Дар Тоҷикистон фурӯши беш аз ду симкорт ба як муштарӣ мамнуъ шуд

© pixabayМобильный телефон
Мобильный телефон - Sputnik Тоҷикистон
Бино бар муқаррароти нав муштариёни операторҳои мобилӣ аз ин пас барои фарзандони наврасашон танҳо бо пешниҳоди зоднома метавонанд симкорт бихаранд

ДУШАНБЕ, 15 июн —Sputnik. Вазорати умури дохила, Кумитаи амнияти миллӣ, Хадамоти иртиботот ва ширкатҳои мобилии Тоҷикистон тасмими гирифтаанд операторҳои мобилии кишварро аз фурӯши беш аз ду симкорт ба як муштарӣ манъ кунанд.

"Бино ба иттилоъоти расмӣ, далели манъи фурӯши беш аз ду симкорт ба як муштарӣ ин аст, ки расонандаҳои хадамоти иртибототи мобилӣ дигар симкори озод надоранд. Ҳамакнун ин ширкатҳо барои ҳар як симкорти фаъолнашуда моҳиёна 80 дирам падохт мекунанд", — тавзеҳ дод яке аз кормандони Хадамоти иртиботот.

Замена сим-карты, архивное фото - Sputnik Тоҷикистон
Барои фуруш ва истифодаи ғайриқонунии симкортҳо ҷавобгарӣ пешбинӣ мешавад

Вай гуфт, ки бино бар муқаррароти нав муштариёни операторҳои мобилӣ аз ин пас барои фарзандони наврасашон танҳо бо пешниҳоди зоднома метавонанд симкорт бихаранд. Муштариён метавонанд афзун бар симкорти худашон дуто симкорт ҳам барои фарзандони 15 — 17-солаашон харид кунанд.

Муовини раиси Кумитаи амнияти миллӣ Мансур Умаров ба хабаргузории РИА Новости гуфта: "Ин тасмим пеш аз ҳама барои таъмини амнияти кишвар гирифта шуда. Аз аввали сол то кунун чанд мавридеро сабт кардаем, ки шаҳрвандон симкортҳои сабтшуда ба номашонро ба табаҳкорон, теруристҳо ва қочоқчиёни маводи мухаддир дар Афғонистон вогузор кардаанд".

Ба гуфтаи вай, барои вогузории симкорт ба дигар кас шаҳрвандон барои бори аввал ҷарима хоҳанд шуд ва агар ин ҷурмро такрор кунанд — аз як сол то се сол зиндонӣ хоҳанд шуд.

Ёдовар мешавем, ки мушатриёни операторҳои мобилии Тоҷикистон бояд то 1-уми июн симкортҳояшонро дубора сабт мекарданд.

Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала