Коршинос: ҶТ аз роҳи CASA 70 дарсад нерӯи барқ содир хоҳад кард

© Фото : страница Джамшеда Мамаджанова в FacebookДжамшед Мамаджанов, архивное фото
Джамшед Мамаджанов, архивное фото - Sputnik Тоҷикистон
Обуна шудан
CASA-1000 тарҳест барои судури барқ аз Осиёи Марказӣ - Тоҷикистону Қирғизистон ба Осиёи Ҷанубӣ - Афғонистону Покистон (ОМОҶ) ва яке аз зерсохтҳои муҳимми бозори нерӯи барқи Осиёи Марказӣ ва Ҷанубӣ ба шумор меояд

ДУШАНБЕ, 6 июл — Sputnik. Имрӯз дар Варзоб нишасти сарони кишварҳои роҳандози тарҳи CASA-1000 — Тоҷикистон, Афғонистон ва Покистон баргузор шуд

"Ин нишаст нишон дод, ки кишварҳо ҳама корҳои омодасозиро анҷом дода ва марҳилаи амалии иҷрои тарҳро оғоз кардаанд", — гуфт дар суҳбат бо Sputnik Тоҷикистон Ҷамшед Муҳаммадҷонов, таҳлилгари гурӯҳи "Евразийское развитие".

Суханронии Эмомалӣ раҳмон дар дар мулоқоти Сарони давлатҳо ва ҳукуматҳои кишварҳои иштирокчии тарҳи CASA - 1000 - Sputnik Тоҷикистон
Эмомалӣ Раҳмон: тарҳи CASA - 1000 ба нафъи ҳама кишварҳои минтақа аст

Вай мегӯяд, ки Покистон дар паи роҳандозии ин тарҳ камбуди барқашро, ки камобеш 5 милёрд килуватт соат аст, аз миён хоҳад бурд.

"Афғонистон агар ҳам масрафкунанда нашавад, танҳо аз тронзити барқ ба Покистон баҳраашро комилан дарёфт хоҳад кард. Қирғизистон ва Тоҷикистон фурсате ба даст хоҳанд овард, ки мозод ё афзунаи барқашонро бо нархи бисёр хубе бифурӯшанд", — тавзеҳ дод коршинос.

Эмомалӣ Раҳмон дар Роғун - Sputnik Тоҷикистон
Эмомалӣ Раҳмон ба шарикони лоиҳаи CASA - 1000: корро кунд накунед

"Толибон ҳам ин баҳор эълом кард, ки дар иҷрои ин тарҳ монеъву мушкиле пеш нахоҳад овард ва омода аст масири онро дар қаламрави фармонравоияш посбонӣ ҳам кунад. Фикр мекунам, ки Толибон бо роҳнамоии Покистон чунин тасмиму мавзеъгирӣ кардааст. Ин кишвар, ки бар Толибон асару таъсире дорад, дар ҳалли ин масъала хуб кӯшидааст. Покистон аз иҷрои ин тарҳ бисёр суд хоҳад бурд, аз ин рӯ, ба эҳтимоли зиёд, масъалаи амнияти масири онро низ ҳалл хоҳад кард", — муътақид аст Муҳамадҷонов.

CASA-1000 тарҳест барои судури барқ аз Осиёи Марказӣ — Тоҷикистону Қирғизистон ба Осиёи Ҷанубӣ — Афғонистону Покистон (ОМОҶ). Ин тарҳ яке аз зерсохтҳои муҳимми бозори нерӯи барқи Осиёи Марказӣ ва Ҷанубӣ ба шумор меояд. Барои иҷрои он қарор аст хатти интиқоли нерӯи барқ ба дарозои 1300 килуметр кашида шавад, ки тронзити 5 милёрд килуватт соат барқро таъмин кунад. Саҳми судури барқи Тоҷикистон аз ин тарҳ 70 дарсад хоҳад буд.

Лентаи хабарҳо
0