Сайфулло Сафаров: ҷанг дар шимоли Афғонистон таҳдидест бар амнияти Тоҷикистон

© Sputnik / Семиряга / Гузариш ба медиабонкСолдат вооруженных сил Таджикистана на границе с Афганистаном, архивное фото
Солдат вооруженных сил Таджикистана на границе с Афганистаном, архивное фото - Sputnik Тоҷикистон
Обуна шудан
Авзоъ дар Афғонистон ба гунае барномарезишуда тағйир меёбад, ки бахше аз бозии бузурги геополитикӣ аст, мегӯяд коршиноси тоҷик

ДУШАНБЕ, 10 июл — Sputnik. Интиқоли амалиёти ҷангӣ бо ширкати ҷангҷӯёни "Давлати исломӣ" ё ДОИШ — созмони ҳаросафкане, ки фаъолияташ дар Тоҷикистону Русия қонунан мамнуъст, аз ҷануб ба шимоли Афғонистон амният дар Тоҷикистонро таҳдид мекунад, гуфт Сайфулло Сафаров, муъовини аввали мудири Маркази пажӯҳишҳои роҳбурдии раёсатҷумҳурии Тоҷикистон.

Флаг группировки Исламское государство (запрещена в РФ), архивное фото - Sputnik Тоҷикистон
Беш аз ҳазор шаҳрванди Тоҷикистон ба ДОИШ пайвастааст
 

"Авзоъ нигаронкунанда аст, зеро интиқоли амалиёти ҷангӣ ба шимоли Афғонистон ва нерӯҳои созмонҳои фаромиллии ҳаросафкан ба марзҳои Осиёи Марказӣ ҳадафмандона сурат мегирад ва падид омадани бозигарони наве чун ДОИШ дар минтақа амнияти Тоҷикистон ва кишварҳои Осиёи Марказиро дар хатар мегузорад", — гуфт вай дар нишасти расонаӣ.

Ин коршинос бар ин бовар аст, ки ин ҷобаҷоиҳо барномарезишуда буда ва бахше аз бозии бузурги геополитикӣ ҳастанд.

Сайфулло Сафаров, архивное фото - Sputnik Тоҷикистон
Сафаров: ҲНИТ дар хориҷ ҳам амнияти Тоҷикистонро таҳдид мекунад

"Гурӯҳҳои камшумори ҷангҷӯёну ҳаросафканон наметавонанд авзоъро аз бех тағйир диҳанд ва агар аз хориҷ пуштибонӣ нашаванд, мардуми Афғонистон худ ин гурӯҳҳои мусаллаҳро аз миён хоҳад бурд", — мегӯяд Сафаров.

Вай таъкид кард, ки Тоҷикистон дар ҳамкорӣ бо корёронаш — Русия, Чин ва кишварҳои узви Созмони Паймони амнияти дастҷамъӣ, чораҳое барои пойдориву устувории амнияту субот дар марз андешидааст. Чунончи, ҳар аз гоҳе размоишҳо баргузор мешаванд ва низомиён равишҳои пайкор бо ҳаросафканонро тамрин мекунанд.

Лентаи хабарҳо
0