Нахустин ҳайъат аз тоҷирони Амрико ба Тоҷикистон хоҳад омад

© Sputnik / Наталья Селиверстова / Гузариш ба медиабонкГорода мира. Нью-Йорк
Города мира. Нью-Йорк - Sputnik Тоҷикистон
Обуна шудан
Нахустин ҳайъат аз тоҷирони Иёлоти Муттаҳида ҳамроҳ бо намояндагони Шурои тиҷории Амрико ва Тоҷикистон имрӯз ба шаҳри Душанбе хоҳад омад

ДУШАНБЕ, 12 июл — Sputnik. Бино бар гузориши ВУХ ҶТ, ин ҳайъат дар давоми дувуним рӯзе, ки дар Душанбе хоҳад  буд, бо мақомоти баландпояи давлатӣ, намояндагони сохторҳои байналмилалии молӣ ва корофаринони тоҷик дидору гуфтугӯ хоҳад кард.

Дар чорчӯби барномаи сафари ин ҳайъат Шурои тиҷории ИМА ва ҶТ ҳамроҳ бо Утоқи бозаргонии Амрико дар Тоҷикистон 14 июл ҳамоиши корофаринону бозаргононро баргузор хоҳад кард, ки дар он пешниҳодҳои ширкатҳои амрикоӣ ва тоҷикӣ, колоҳову хадамоташонро муаррифӣ хоҳанд кард.

Ҳайъати тиҷории ИМА аз  бунёдгузорони ширкатҳои  USKGZBC ва USTJBC — AGCO, Baker&McKenzie ва General Electric ва аъзои нави Шурои таҳсилоти байналмилалии Амрико ташкил шудааст.

Ин ҳайъат ҳамчунин намояндаҳои ширкатҳои AES, Amity Technology, APR Energy, The Coca Cola Company, Mobilized Construction ва WHITE64-ро дар бар мегирад.

Лентаи хабарҳо
0