Эмомалӣ Раҳмон Салмон ибни Абдулазиз Оли Саудро ба Тоҷикистон даъват кард

© Фото : Официальная страница президента РТ в FacebookПрезидент Таджикистана Эмомали Рахмон и осол Саудовской Аравии в РТ Абдулазиз ибн Мухаммад аль-Бади
Президент Таджикистана Эмомали Рахмон и осол Саудовской Аравии в РТ Абдулазиз ибн Мухаммад аль-Бади - Sputnik Тоҷикистон
Имрӯз раисҷумҳури Тоҷикстон Эмомалӣ Раҳмон бо подшоҳи Мамлакати Арабистони Саудӣ Салмон ибни Абдулазиз Оли Сауд сӯҳбати телефонӣ карда, дар анҷоми сӯҳбат вайро ба Тоҷикистон даъват кард

ДУШАНБЕ, 22 июл — Sputnik. Имрӯз  гуфтугуи раисҷумҳури  Тоҷикистон Эмомалӣ Раҳмон бо Ходими Ҳарамайни Шарифайн, Подшоҳи Мамлакати Арабистони Саудӣ Салмон ибни Абдулазиз Оли Сауд баргузор гардид, хабар медиҳад дафтари матбуоти раисҷумҳури Тоҷикистон.

Сарварони ду кишвар ҳолати имрӯза ва дурнамои муносибатҳои гуногунҷанбаи байнидавлатии Тоҷикистону Арабистони Саудиро баррасӣ намуда, минбаъд низ ҳамоҳанг сохтани саъю талошҳои  ҷонибҳоро баҳри рушду густариши минбаъдаи онҳо таъкид карданд.

Здание парламента Республики Таджикистан - Sputnik Тоҷикистон
Арабистони Саъудӣ аз сармоягузорӣ барои сохти Маҷлиси Тоҷикистон мунсариф шуд

Кишвардори Тоҷикистон ва Подшоҳи Мамлакати Арабистони Саудӣ ҳамчунин  ба  масоили мубрами байналмилалӣ ва  минтақавӣ таваҷҷуҳ зоҳир намуда, атрофи вазъи имрӯзаи нигаронкунанда дар Ховари Миёна, аз ҷумла дар минтақаи Халиҷ,  мубодилаи афкор анҷом доданд. 

"Дар ин робита ҷонибҳо оид ба мавзӯи таъмини амнияти минтақавӣ ва ҷаҳонӣ, инчунин мубориза алайҳи терроризму ифротгароӣ ва дигар шаклҳои ҷинояткории фаромарзӣ ибрози назар намуданд",- гуфта мешавад дар хабар.  

Дар хотимаи суҳбат Эмомалӣ Раҳмон аз Ходими Ҳарамайни Шарифайн, Подшоҳи Мамлакати Арабистони Саудӣ Салмон ибни Абдулазиз Оли Сауд ҷиҳати анҷом додани боздиди расмӣ аз Тоҷикистон дар замони барояш муносиб даъват ба амал овард.

Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала