ДУШАНБЕ, 28 июл — Sputnik. Дар маросими ифтитоҳии намоишгоҳ муовини Раиси вилоят Заробиддин Файзуллозода, муовини якуми вазири саноат ва технологияҳои нави Ҷумҳурии Тоҷикистон Ҳайдар Хол, раиси шаҳри Хуҷанд Маъруф Муҳаммадзода ва як қатор хонандагону волидон ва устодони мактабҳои миёнаи умумӣ ширкат доштанд.
Заробиддин Файзуллозода дар ин маросим ёдоварӣ кард, ки ин намоишгоҳ-фурӯшгоҳ дар ростои иҷрои дастуру супоришҳои раисҷумҳур Эмомалӣ Раҳмон баргузор мегардад. Вай гуфт, ки бино бар нақшаҳои ҳукумати вилоят чунин намооишгоҳҳо дар ҳамаи шаҳру ноҳияҳои вилояти Суғд баргузор мегардад. Ин тадбир имконият медиҳад, ки хонандагон аз маҳсулоти корхонаҳои ватанӣ истифода баранд.
Ҳайдар Хол низ аз номи роҳбарияти вазорат ба ҳукумати вилояти Суғд ва шаҳри Хуҷанд, ташкилкунандагони чорабинӣ миннатдорӣ баён кард ва аз маҳсулоти пешкаш намуда изҳори қаноатмандӣ намуд.
Дар рафти чорабинӣ ба 200 нафар кӯдакони камбизоат ва ятим аз номи раисҷумҳури Тоҷикистон пӯшоки мактабӣ тақдим карда шуд.
