Пизишкони Рашту Кӯлоб мубориза бо силро дар Суғд меомӯзанд

© SputnikОткрытие военного госпиталя 451 МО РФ в Таджикистане
Открытие военного госпиталя 451 МО РФ в Таджикистане - Sputnik Тоҷикистон
Обуна шудан
Табибони силшинос аз ноҳияҳои Рашт ва минтақаи Кӯлоб барои касби таҷрибаи беҳтар ба вилояти Суғд сафар карданд

ДУШАНБЕ, 30 июл — Sputnik.  Бино ба иттилоъи равобити умумии Вазорати тандурустӣ пас аз шиносоию омӯзиши таҷрибаҳои навоҳии вилояти Суғд он дар дигар ноҳияҳои таҷрибавии ҷумҳурӣ пурзӯр хоҳад шуд.

Гуфта мешавад, и ин сафари омӯзишӣ бо дастгирии ҳукумати Тоҷикистон дар доираи барномаи USAID оид ба мубориза бар зидди бемории сил роҳандозӣ шудааст.

Хирурги на операции, архивное фото - Sputnik Тоҷикистон
Бо ҳуҷайраҳои хешовандон: нахустин пайванди мағзи устухон дар Тоҷикистон

Ҳадафи шиносоии гурӯҳи корӣ бо фаъолияту таҷрибаҳои беҳтарин дар самти пешгирии бемории сил ва вируси норасоии масунияти одам (ВНМО) маҳсуб мешавад. 

Манбаъ ёдоварӣ мекунад, ки дар вилоят барои пешгирии саривақтии бемории сил ва ВНМО мунтазам тадбирҳо андешида мешавад.

Яке аз фаъолиятҳои назаррас таъсиси Кумитаҳои маҳаллии тандурустӣ будааст, ки 2015 дар ҳудуди вилояти Суғд 97 адад чунин созмон ташкил шудааст.

Дар онҳо 570 нафар намояндагони бахшҳои маориф, дин, занон, ҷавонон, ҷамоатҳо ва кормандони тиб аъзо мебошанд.

Вазифаи онҳо дарёфт ва ба ташхису табобат фаро гирифтани беморони сил аст. Бо ёрии аъзоёни кумитаҳои мазкур танҳо дар соли 2016 185 нафар мубталоёни сил аз байни аҳолӣ дарёфт ва ба табобат фаро гирифта шуданд.

Ин гуна кумитаҳо соли 2016 аз тарафи  ҳокимиятҳои маҳаллӣ ва Барномаи USAID оид ба мубориза бар зидди бемории сил дар 6 ноҳияи водии Рашт инчунин ноҳоияҳои Данғара, Темурмалик, Балҷувон, Фархори минтақаи Кӯлоб низ ташкил шуда буданд. 

Пас аз шиносоию омӯзиши таҷрибаҳои навоҳии вилояти Суғд акнун он дар дигар ноҳияҳои таҷрибавии ҷумҳурӣ фаъолият пурзӯр хоҳад шуд.

Ёдовар мешавем, ки сил бемории сироятӣ буда, агар сари вақт пешгирӣ нашавад, як бемор дар як сол ба сироятёбии тақрибан 15 нафар сабаб мегардад.  

Лентаи хабарҳо
0