Гулнора Каримова дар боздоштгоҳи Кумитаи амнияти миллии Узбакистон зиндонист

© Sputnik / Валерий Левитин / Гузариш ба медиабонкГульнара Каримова, архивное фото
Гульнара Каримова, архивное фото - Sputnik Тоҷикистон
Обуна шудан
Гулнора Каримова - духтари калонии собиқ раисҷумҳури Узбакистон дар боздоштгоҳи Кумитаи амнияти миллии Узбакистон, дар бахши боздоштшудагони VIP қарор дорад

ДУШАНБЕ, 1 авг — Sputnik. Духтари калонии раисҷумҳури пешини Узбакистон Гулнора Каримова ҳоло дар боздоштгоҳи Кумитаи амнияти миллии Узбакистон зиндонист, хабар медиҳад сармуҳаррири нашрияи интернетии ferghana.ru, Даниил Кислов.

"Каме пеш маълум гардид, ки Гулнора Каримова дар боздоштгоҳи Кумитаи амнияти миллии Узбакистон дар кучаи Гвардейск, дар ошёнаи севуми бинои боздоштгоҳ  қарор дорад",- навиштааст вай дар саҳифаи фейсбукиаш.

Кислов мегӯяд Гулнораро дар бахши оздоштшудагони VIP  ҷой додаанд.

Гулнора Каримова бино бар чанд моддаи Қонуни ҷиноии Узбакистон зиндонӣ шуд.

Гуфта мешавад, ки Гулнора Каримова муттаҳам ба судури табаҳкорӣ аз рӯи шаш моддаи Қонуни кайфарии Узбакистон, аз ҷумла тақаллуб, пинҳон кардани арзҳои хориҷӣ, нақзи қонунгузории гумрукӣ, омодасозии санадҳои тақаллубӣ ва пулшӯӣ мешавад.

Вай аз соли 2013 то кунун хоназиндон буд ва акнун маҳкум ба 5 соли зиндон шуд.

Бино бар иттилоъи Додситони кулли Узбакистон, бозҷӯии иттиҳомоте, ки бар Гулнора Каримова зада шуда буд, собит кард, ки вай бо гурӯҳи табаҳкоре ҳамдастӣ доштааст. Ин иттиҳомот ҳамчунин дар 12 кишвар, аз ҷумла Русия, собит шудаанд.

Давлати Узбакистон аз дигар кишварҳо низ дархост карда, ки дороиҳои гурӯҳи созмонёфтаи табаҳкорер, ки Гулнора Каримова ҳамдасташ буд, забту мусодира кунанд.

Лентаи хабарҳо
0