ДУШАНБЕ, 17 авг — Sputnik. Ба гузориши сухангӯи ҳукумати ВМКБ Нилуфар Асламшоева, раиси ВМКБ Шодихон Ҷамшед дар дидор бо Ҳидекӣ Танабе гуфтааст, ки дар се соли гузашта бо дастгирии бунгоҳи JICA дар қаламрави вилоят 44 тарҳ дар заминаҳои обрасонӣ, дармону беҳдошт ва омӯзишу парвариш ба маблағи беш аз 2 милюн дулор иҷро шудааст.
Ба иттилоъи манбаъ, Шодихон Ҷамшед аз корҳои анҷомдодаи бунгоҳ дар вилоят изҳори қаноатмандӣ намудааст.
Ҳидекӣ Танабе ҳам гуфтааст, ки ҳадафи онҳо саҳмгузорӣ дар беҳбуди зиндагии мардуми рустоҳои дурдаст ва марзнишин аст.
Ҷонибҳо барои идома ҳамкориҳо дар ин замина ба мувофиқа расиданд.
