Ободӣ дар пойтахти тоҷикон: Р. Эмомалӣ аз истгоҳи намунавӣ боздид кард

© Фото : Сайт города ДушанбеРустам Эмомали на открытии новой автобусной остановки, архивное фото
Рустам Эмомали на открытии новой автобусной остановки, архивное фото - Sputnik Тоҷикистон
Обуна шудан
Истгоҳи замонавӣ аз ҷойи нишаст, нуқтаи фурӯши маҷаллаву рӯзномаҳо ва кортҳои электронии пардохти роҳкиро, таблоҳои электронӣ барои пешниҳод намудани маълумот ба сокинону меҳмонони пойтахт доир ба замон ва шумораи хатсайрҳо ва таблоҳои таблиғотӣ иборат аст

ДУШАНБЕ, 26 авг- Sputnik. Ба гузориши равобити умумии шаҳрдорӣ, дирӯз 25 август дар маркази шаҳри Душанбе бо ширкати раиси пойтахт Рустам Эмомалӣ рӯнамоии истгоҳи нав баргузор шуд.

Интизор меравад, ки дар ҳудуди пойтахт 36 адад истгоҳҳои нави замонавӣ сохта шавад.

Бино ба иттилоъи манбаъ, истгоҳи намунавӣ аз ҷониби Корхонаи воҳиди давлатии "Ободонӣ"-и шаҳри Душанбе дар асоси лоиҳаи Сарраёсати меъморӣ ва шаҳрсозии мақомоти иҷорияи ҳокимияти давлатии шаҳри Душанбе сохта шудааст.

"Намунаи аввали истгоҳи нақлиёти ҷамъиятӣ дар мутобиқат ба меъёрҳои байнулмилалӣ ва бо назардошти сабку услуби меъмории миллӣ бунёд гардида, тибқи лоиҳа он аз ҷойи нишаст, нуқтаи фурӯши маҷаллаву рӯзномаҳо ва кортҳои электронии пардохти роҳкиро, таблоҳои электронӣ барои пешниҳод намудани маълумот ба сокинону меҳмонони пойтахт доир ба замон ва шумораи хатсайрҳо ва таблоҳои таблиғотӣ иборат мебошад",- омадааст дар хабарнома.

Рустам Эмомали проверяет работу системы электронного платежа - Sputnik Тоҷикистон
Рустам Эмомалӣ дар Душанбе билетҳои электронӣ ҷорӣ мекунад

Гуфта мешавад,ки тибқи лоиҳа дар истгоҳ нуқтаи хизматрасонии телефони шаҳрӣ насб гардидааст.

Муаррифгарони тарҳ гуфтаанд, ки барои нахустин бор дар бунёди истгоҳ хизматрасониҳои муосир бо истифода аз технологияи пешрафтаи иттилоотӣ истифода гардида, истгоҳ ва иншооти хизматрасонии он аз масолеҳи тобовар ба ҳолатҳои гуногуни табиӣ бунёд гардидааст.

"Ҳудуди истгоҳ тавассути камераҳои мушоҳидавӣ назорат карда мешавад, ки ин барои пешниҳод кардани хизматрасонии босифат мусоид хоҳад кард".

Рустами Эмомалӣ дастур додааст, ки дар вақти бунёди чунин иншоот ба истифода намудани масолеҳи хушсифати истеҳсоли ватанӣ диққати махсус дода шавад, то ки иншооти мазкур солҳои зиёд ба мардум хизмат расонад.

© Фото : Сайт города ДушанбеИстгоҳи замонавӣ дар шаҳри Душанбе
Истгоҳи замонавӣ дар шаҳри Душанбе - Sputnik Тоҷикистон
1/3
Истгоҳи замонавӣ дар шаҳри Душанбе
© Фото : Сайт города ДушанбеИстгоҳи замонавӣ дар шаҳри Душанбе
Истгоҳи замонавӣ дар шаҳри Душанбе - Sputnik Тоҷикистон
2/3
Истгоҳи замонавӣ дар шаҳри Душанбе
© Фото : Сайт города ДушанбеРустам Эмомали дар рӯнамоии истгоҳи нави замонавӣ
Рустам Эмомали дар рӯнамоии истгоҳи нави замонавӣ - Sputnik Тоҷикистон
3/3
Рустам Эмомали дар рӯнамоии истгоҳи нави замонавӣ
1/3
Истгоҳи замонавӣ дар шаҳри Душанбе
2/3
Истгоҳи замонавӣ дар шаҳри Душанбе
3/3
Рустам Эмомали дар рӯнамоии истгоҳи нави замонавӣ

Мувофиқи маълумоти Сарраёсати меъморӣ ва шаҳрсозии мақомоти иҷроияи ҳокимияти давлатии шаҳри Душанбе дар ҳудуди хатсайри фурӯдгоҳи байналмилалии шаҳри Душанбе — корхонаи "Сементбарорӣ" 36 адад истгоҳҳои намунавии нав бунёд мешаванд.   

Лентаи хабарҳо
0