Мулоқоти Мирзиёев бо кишвардорони Афғонистон ва Эрон

Мирзиёев дар чорчӯби нишасти Созмони ҳамкориҳои исломӣ дар Остона бо ҳамтоёнаш аз Эрону Афғонистон дидор ва мулоқот кардааст

ДУШАНБЕ, 11 сен — Sputnik. Ба иттилоъи хадамоти матбуотии раисҷумҳури Узбакистон, Шавкат Мирзиёев бо Ҳасан Руҳонӣ рушди минбаъдаи ҳамкориҳои Узбакистону Эронро баррасӣ карда, гуфтааст, ки ҳамкориҳои дуҷониба ба нафъи ҳарду кишвар хоҳад буд.

Ҳамчунин Мирзиёев дар чорчӯби ин нишаст бо кишвардори Афғонистон Ашраф Ғанӣ суҳбат кардааст.

Дар ин дидор Шавкат Мирзиёев ва Ашраф Ғанӣ ҳамкориҳои дуҷонибаро дар соҳаҳои сиёсӣ, тиҷорату иқтисод, алоқаю нақлиёт, фарҳанг ва дигар масоили минтақавию ҷаҳонӣ баррасӣ шудааст.

Ёдоварӣ мекунем, ки нишасти Созмони ҳамкориҳои исломӣ оид ба илм ва навоварӣ дар пойтахти Қазоқистон рӯзҳои 10-11 сентябр баргузор шуд.

Дар ин нишаст 80 намояндагони созмонҳои давлатӣ, кишварҳои нозир ва созмонҳои минтақавию байнулмилалӣ ширкат карданд.

Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала