Вазири умури хориҷаи Эрон ба Тоҷикистон меравад

© Sputnik / Владимир Песня / Гузариш ба медиабонкМухаммед Джавад Зариф, архивное фото
Мухаммед Джавад Зариф, архивное фото - Sputnik Тоҷикистон
Обуна шудан
Вазири умури хориҷаи Ҷумҳурии Исломии Эрон Муҳаммадҷавод Зариф фардо, 8 ноябр ба Тоҷикистон сафар мекунад.

ДУШАНБЕ, 7 ноя — Sputnik. Вазири умури хориҷаи Ҷумҳурии Исломии Эрон Муҳаммадҷавод Зариф фардо, 8 ноябр ба Тоҷикистон сафар мекунад.

Музокироти сатҳи олии Тоҷикистону Эрон дар Қасри Миллат 10.09.2014 - Sputnik Тоҷикистон
Умеди Эмомалӣ Раҳмон аз густариши ҳамкориҳо бо Эрон

Ба гузориши хабаргузории эронии "Форс", Муҳаммадҷавод Зарифро дар ин сафар вазири нерӯ Ризо Ардакониён ва дигар масъулон ҳамроҳӣ хоҳанд кард.

Қарор аст, ки Муҳаммадҷавод Зариф бо мақомоти Тоҷикистон, аз ҷумла бо раисҷумҳур Эмомалӣ Раҳмон, дидор кунад ва дар маросими бозкушоии сохтмони нави Сафорати Эрон дар Душанбе ширкат кунад. 

Муҳаммадҷавод Зариф нахустин мақоми баландпояи Ҷумҳурии Исломии Эрон мешавад, ки дар паи сард шудани равобити Душанбеву Теҳрон дар ду соли ахир аз Тоҷикистон дидан хоҳад кард.

Вопасин тамосе, ки мақомоти баландпояи ду кишвар доштаанд, паёмҳои табрике буд, ки руасои ду ҷумҳурӣ Эмомалӣ Раҳмон ва Ҳасан Руҳонӣ ба муносибати иди Қурбон ба якдигар ирсол кардаанд.  

Лентаи хабарҳо
0