Чаҳор кас дар амалиёти теруристӣ дар Ню-Йорк осеб диданд

© AFP 2023 / DON EMMERTПолицейские на месте наезда грузовика на людей в Нью-Йорке. 31 октября 2017
Полицейские на месте наезда грузовика на людей в Нью-Йорке. 31 октября 2017 - Sputnik Тоҷикистон
Обуна шудан
Пулиси шаҳри Ню-Йорк гузориш дод, ки инфиҷоре, ки имрӯз дар яке аз истгоҳҳои мусофирбарии Манҳеттен рух дод, амалиёти теруристӣ буд

ДУШАНБЕ, 11 дек — Sputnik. Ҳамчунин ба иттилоъи Созмони оташнишонии Ню-Йорк, дар ин инфиҷор чаҳор кас захмӣ шудаанд.

Задержание подозреваемого в наезде на велосипедистов в Нью-Йорке - Sputnik Тоҷикистон
Навори боздошти муттаҳам ба ҳамлаи теруристӣ дар Ню-Йорк

Ба гузориши РИА Новости, яке аз ин захмишудагон касе аст, ки худро мунфаҷир кардааст. Ин инфиҷор имрӯз дар чаҳорроҳи хиёбонҳои 42-юм ва 8-ум дар бахши шарқии Манҳеттен рух дод.

Пулис теруристи интиҳориро шиносоӣ кардааст. Аз ӯ Ақоидуллоҳ ном бурдаву гуфтаанд, ки 27-сола аст ва эҳтимолан аз Банглодеш ба Амрико муҳоҷират карда ва ҳафт сол боз дар Бруклин зиндагӣ доштааст.

"Бозҷӯиҳои муқаддамотӣ нишон медиҳанд, ки ин мард афзори худсохтаи таркандае бо худ дошта, ки онро қасдан мунфаҷир кардааст", — гуфт сардори пулиси Ню-Йорк Ҷеймс О'Нил.

Вай афзуд, ки ин мард ҳангоми боздошт шудан шиорҳое мегуфт, вале муҳтавои он шиорҳоро ошкор накард.

Ёдоварӣ мекунем, ки яке аз хунбортарин ва охирин ҳамалоти теруристӣ дар Амрико 1 ноябр рух дода буд.

Он рӯз Сайфулло Саипов ном муҳоҷире аз Узбакистон бо худрави боркаш бар дучархасаворон ҳамла кард ва сипас ба автобуси мактабӣ бархӯрд. Дар ин ҳамлаи теруристӣ 8 кас кушта ва 11 кас захмӣ шуда буд.

Лентаи хабарҳо
0