ДУШАНБЕ, 12 дек — Sputnik. Дирӯз, 11 декабр дар шаҳри Ню-Йорк маросими имзои Баёнияи муштараки барқарорсозии равобити дипломатӣ миёни Ҷумҳурии Тоҷикистон ва Ҷамайка баргузор шуд.
Ба гузориши хадамоти матбуотии Вазорати умури хориҷии ҶТ, Баёнияи муштаракро аз ҷониби Тоҷикистон Намояндаи доимии ҶТ дар СММ Маҳмадамин Маҳмадаминов ва аз ҷониби Ҷамайка Намояндаи доимии он кишвар дар СММ Куртенай Раттрай имзо кардаанд.
Ҷамайка кишваре ҷазираӣ аст, ки дар дарёи Кариб, дар ҷануби Куба ва ғарби Ҳаитӣ ҷойгир шудааст. Пойтахти он шаҳри Кингстон аст.
