Зан ҳангоми дар Русия будани ҳамсар шавҳар кард, мард пас аз бозгашт хост ӯро бикушад

CC BY 2.0 / Lwp Kommunikáció / ElárulvaНож у горла женщины, фото из архива
Нож у горла женщины, фото из архива - Sputnik Тоҷикистон
Обуна шудан
Мард пас аз бозгаштан аз муҳоҷирати меҳнатӣ хабардор мешавад, ки ҳамсараш шавҳар кардааст

ДУШАНБЕ, 20 дек — Sputnik. Вазорати умури дохилаи Тоҷикистон аз қазияе, ки дар ҷомеаи суннатии Тоҷикистон кам андар кам рӯй медиҳад ва барои шаҳрвандон аҷиб аст хабар дод: дар шаҳри Панҷакент ҳамсаре ҳангоми маҳуҷирати меҳанатии шавҳараш дигар шавҳар кардааст.

Манбаъ менависад, кормандони милиса марди 41-солаеро ба иттиҳоми сӯйиқасд ба куштор дастгир карданд.

Гуфта мешавад, мард аз муҳоҷирати меҳнати аз Русия баргашта,  хабардор шудааст, ки ҳамсараш ба шавҳар баромадааст.

"Номбурда, рӯзи 25-уми ноябри соли 2017, тахминан соати 19:00-дақиқа, аз ҳиссиёти рашк дар ҳудуди ҷамоати деҳоти мазкур бо корди хоҷагии дар дасташ буда, бо мақсади ба қатл расонидан якчанд маротиба ба аъзои бадани зани номбурда задааст",- гуфта мешавад дар иттилои манбаъ.

Дар натиҷа ҷабрдида ҷароҳати ҷисмонӣ бардошта, дар беморхона бистарӣ гаштааст.

Аз рӯи ин ҳодиса парвандаи ҷиноятӣ оғоз гардида, тафтишот идома дорад.

Лентаи хабарҳо
0