ДУШАНБЕ, 26 дек — Sputnik. Давлати Ҷумҳурии Исломии Афғонистон дар назар дорад дар наздиктарин рӯзҳо барномаи музокироти сулҳ бо ҷунбиши тундраву бунёдгарои "Толибон"-ро пешниҳод кунад, гуфт вазири умури хориҷии Чин Ван И.
"Давлати Афғонистон хабар дод, ки дар наздиктарин рӯзҳо барномаи ҷолибу амалии музокрироти сулҳ бо ҷунбиши бунёдгарои "Толибон"-ро пешниҳод хоҳад кард", — гуфт раҳбари ВУХ Чин пас аз музокира бо ҳамтоёни афғонистонӣ ва покикистонияш дар Пекин.
Вай дар нишасти расонаӣ пас аз ин музокирот афзуд, ки Чин ва Покистон аз ин иқдоми Афғонистон истиқбол мекунанд ва омода ҳастанд дар баргузории музокироти сулҳ бо "Толибон" ёрӣ кунанд.
Нахустин нишасти вазирони умури хориҷии Чин, Покистон ва Афғонистон имрӯз дар Пекин баргузор шуд. Тасмим барои баргузории чунин нишасти сеҷониба имсол тобистон гирифта шуда буд.
Вазъ дар Афғонистон мояи нигаронии Русия ва Тоҷикистон низ ҳаст. Чунончи, чанде пеш раисҷумҳур Раҳмон дар паёмаш ба Маҷлиси Олии ҶТ аз ҷамъ омадани ҷангҷӯёни "Давлати исломӣ" (мамнуъ дар Русия ва Тоҷикистон) дар вилоятҳои шимолии Афғонистон нигаронӣ кард.
Раисҷумҳури Русия низ аз бадтар шудани вазъ дар Афғонистон дар паи коҳиши теъдоди нерӯҳои низомии Амрико аз он кишвар нигаронӣ кард.
