Сабти ном бомуваффақият анҷом ёфт!
Хоҳиш менамоем ба пайванде, ки тариқи равон шудааст, гузаред
Сиёсат

Сарвазири Узбакистон бо Эмомалӣ Раҳмон мулоқот мекунад

Сарвазири Узбакистон Абдулло Орипов бо сафари корӣ ба Душанбе меояд

ДУШАНБЕ, 8 янв — Sputnik. Интизор меравад, ки нахуствазири Узбакистон бо сафари кории ду рӯза 10-11 январ ба Душанбе меояд.

Гуфта мешавад, ки дар ин  сафар сарвазири Узбакистон бо раисҷумҳури Тоҷикистон Эмомалӣ Раҳмон ва сарвазири ҷумҳурӣ Қоҳир Расулзода дидор ва мулоқот мекунад.

Зимни дидору гуфтушунидҳои ӯ бо шахсони расмии Тоҷикистон масъалаҳои омодагии сафари расмии кишвардори Узбакистон Шавкат Мирзиёев ба Душанбе, ки аввали фасли баҳор дар назар аст, баррасӣ мешаванд.

Эмомалӣ Раҳмон ва Шавкат Мирзиёев - Sputnik Тоҷикистон
Сиёсат
Шавкат Мирзиеёв барои сафар ба Тоҷикистон омодагӣ мебинад

Дар баробари ин, дар ҷараёни сафари Орипов ба Душанбе масоили густариши ҳамкориҳои тиҷоративу иқтисодӣ миёни ду кишвар, суръат бахшидан ба ҳаллу фасли масъалаи таъйин ва аломатгузории қитъаҳои баҳснок дар марз баррасӣ хоҳад шуд.

Ёдоварӣ мекунем, ки рӯзи 6-уми январ хабар дод, ки кишвари ӯ бо давлатҳои ҳамсоя муносиботи хуб ба роҳ мемонад.

"Зеро ҳеҷ ҳамсояи бадро пас аз марг касе намебахшад"-гуфтааст Мирзиёев. 

Ҳамчунин раисҷумҳури Узбакистон эълом карда, ки барои сафар ба Тоҷикистон омодагӣ мебинад ва дар ин росто нахуствазири кишвар Абдулло Орипов ба наздикӣ ба Душанбе меравад.

"Мо қарордодҳои зиёде ба имзо мерасонем, роҳҳои оҳанро боз мекунем ва хатҳои барқро аз нав васл мекунем. Дигар масъалаҳои зиёдеро баррасӣ мекунем"-хабар дод Шавкат Мирзиёев. 

Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала