КДАМ ҶТ: як қочоқбар дар марз бо Афғонистон кушта шуд

© BURT HERMANТаджикские пограничники, архивное фото
Таджикские пограничники, архивное фото - Sputnik Тоҷикистон
Обуна шудан
Cарбозони подгони марзбонии ноҳияи Мирсаид Алии Ҳамадонӣ кӯшиши марзшикании гурӯҳе аз қочоқбарони маводи мухаддирро хунсо кардаанд

ДУШАНБЕ, 15 янв — Sputnik. Дар задухӯрде, ки 11 январ дар марзи Тоҷикистон бо Афғонистон дар қаламрави ноҳияи Мирсаид Алии Ҳамадонӣ рух додааст, яке аз қочоқбарон кушта шудааст.

Ба гузориши равобити умумии Нерӯҳои марзбонии КДАМ ҶТ, сарбозони подгони марзбонии ноҳияи Ҳамадонӣ кӯшиши марзшикании гурӯҳе аз қочоқбарои маводи мухаддирро хунсо кардаанд.

Гуфта мешавад, ки марзбонон дар маҳалли задухӯрд ҷасади яке аз қочобарон ва 32 килуграм афюнро пайдо кардаанд. Дигар қочоқбарон ба қаламрави Афғонистон паноҳ бурдаанд.

Равобити умумии Нерӯҳои марзбонии Тоҷикистон дар поёни соли 2017 эълом карда буд, ки дар соли гузашта 31 бор бо қочоқбарони маводи мухаддир задухӯрд доштааст. Дар ин задухӯрдҳо 18 қочоқбар кушта ва 20 касашон дастгир карда шудаанд.

Уничтожение наркотических средств в Таджикистане - Sputnik Тоҷикистон
Дар соли 2017: КДАМ аз қочоқчиён 1740 кг маводи мухаддир мусодира кард

Аммо Нерӯҳои марзбонии Тоҷикистон ҳам дар ин задухӯрдҳо чандин сарбозу афсарро аз даст додаанд. Чунончи, дар задухӯрде, ки 2 декабр дар қаламрави подгони марзбонии Шамсиддин Шоҳин рух дода буд, фармондеҳи ин подгон сарҳанг Хайриддин Аҳтамов кушта ва чаҳор афсару сарбоз захмӣ шуда буданд.

Нерӯҳои марзбонии Тоҷикистон дар соли 2017 беш аз 1700 килуграм маводи мухаддиро низ кашфу мусодира кардаанд.

Лентаи хабарҳо
0