Задухӯрди курдҳо ва туркҳо дар фурудгоҳе дар Олмон

© REUTERS \ Frauenrat Ronahi and Nav-Dem Hannover / Ayfer AmaraМассовая драка в аэропорту Ганновер-Лангенхаген между курдскими демонстрантами и турецкими пассажирами
Массовая драка в аэропорту Ганновер-Лангенхаген между курдскими демонстрантами и турецкими пассажирами - Sputnik Тоҷикистон
Обуна шудан
Дар фурудгоҳи шаҳри Ҳанновер дар Олмон гурӯҳҳое аз курдҳо ва туркҳо бо ҳам задухӯрд карданд

ДУШАНБЕ, 23 янв — Sputnik. Ин задухӯрд дар паи тазоҳуроте сурат гирифт, ки гурӯҳе аз курдҳо дар фурудгоҳи Ҳанновар дар пуштибонӣ аз ҳамтаборонашон дар Сурия баргузор карда буданд.

Ба гузориши пулиси шаҳри Ҳанновер, ин задухӯрд душанбе шаб рӯй додааст. Гурӯҳе аз курдҳо дар яке аз поёнаҳои фурудгоҳ тазоҳурот бар по карда ва мухолифаташонро бо амалиёти низомии Туркия дар шаҳри Африн дар Сурия намоиш додаанд. Курдҳо дар ин тазоҳурот раисҷумҳури Туркия Раҷаб Тайиб Эрдуғонро муттаҳам ба ҷиноёти ҷангӣ кардаанд. Гурӯҳе аз мусофирони турк, ки мунтазири парвоз буданд, аз ин тазоҳурот ба хашм омада ва бар курдҳо ҳамла кардаанд.

Ба гузориши рӯзномаи Hannoversche Allgemeine, дар ин задухӯрд камобеш 180 кас аз ҳар ду гурӯҳ ширкат кардааст. Пулис барои ҷудо кардани гурӯҳҳо гози ашковарро ба кор бурда ва 20 касро боздошт кардааст.

Нерӯҳои интизомӣ ин қазияро бозҷуст доранд.

Лентаи хабарҳо
0