Номаи вазири фарҳанги Тоҷикистон ба вазири Узбакистон

© Flickr \ Delwin Steven CampbellКонверт
Конверт - Sputnik Тоҷикистон
Обуна шудан
Вазири фарҳанги Тоҷикистон Шамсиддин Орумбекзода ба ҳамтои узбакаш Бахтиёр Сайфуллоев сипосонома фиристодааст

ДУШАНБЕ, 30 янв — Sputnik. Дар ин бора равобити умумии Вазорати фарҳанги ҶТ хабар медиҳад.

Гуфта мешавад, ки 28 январ дар саҳнаи Сирки давлатии Тоҷикистон барномаи ҷамъбастии Сирки давлатии Узбакистон баргузор гардидааст.

Гастроли Большого московского цирка на воде в Душанбе - Sputnik Тоҷикистон
Сирки Узбакистон дар Тоҷикистон ҳунарнамоӣ мекунад

Дар фарҷоми барнома Шамсиддин Орумбекзода аз меҳмонони узбакистонӣ сипос карда ва рушди равобити фарҳангии Тоҷикистон ва Узбакистонро сутуда, гуфтааст, ки он "аз баракати сиёсати хирадмандонаи сарони ду кишвар ба даст омадааст".

"Имрӯз ҳунари сиркӣ барои амалӣ гардонидани сиёсати дарҳои боз ҳиссаи худро гузошта истодааст", — гуфтааст Орумбекзода.

Ҳамчунин Шамсиддин Орумбекзода номаи сипос ба унвони вазири фарҳанги Узбакистон Бахтиёр Сайфуллоевро ба ҳунармандони Сирки давлатии Узбакистон супоридааст.

Дар баробари ин аз номи Вазорати фарҳанги Тоҷикистон ба номи аҳли эҷоди Сирки давлатии Узбакистон ба мудири гурӯҳи эҷодии Сирки давлатии Узбакистон Нарзинисо Алиева, супорида шудааст.

Манбаъ афзуда, ки роҳбари Сирки давлатии Тоҷикистон Ашӯр Раҷабов ба ҳамаи 12 нафар ҳунарпешагони Сирки давлатии Ӯзбекистон, ки тӯли як моҳ дар саҳнаи Сирки давлатии Тоҷикистон ҳунарнамоӣ карданд, ифтихорнома супоридааст.

Инчунин ҳамаи меҳмонон бо тӯҳфаҳои хотиравӣ ва армуғони тоҷикӣ қадр карда шуданд.

Ёдовар мешавем, ки барномаҳои сиркии ҳунарпешаҳои узбак аз 30 декабри соли 2017 то 29 январи соли 2018 намоиш дода шуданд.

Барнома аз намоишҳои гимнастҳо бо лассо, гимнастҳо бо халқа, дорбозҳо, намоишҳо бо ҳайвонҳои ромшуда аз қабили сагча, пони, маймунча, оҳу ва саҳнаҳои пур аз ҳазлу шӯхӣ бо масхарабозон иборат буд.

Лентаи хабарҳо
0