Дастовардҳои сафари раисҷумҳури Қирғизистон ба Тоҷикистон: 8 санади нави ҳамкорӣ

© Пресс служба президента РТЭмомали Рахмон с Жээнбековым Сооронбаем
Эмомали Рахмон с Жээнбековым Сооронбаем - Sputnik Тоҷикистон
Обуна шудан
Ҳайъатҳои расмии Тоҷикистон ва Қирғизистон пас аз мулоқоту музокирот дар сатҳи олӣ дар ҳузур ва бо ширкати сарони ду кишвар 8 санади нави ҳамкориро имзо карданд

ДУШАНБЕ, 1 фев — Sputnik. Ба иттилоъи дафтари матбуъотии раисҷумҳури Тоҷикистон, пас аз дидору музокирот дар сатҳи олӣ Изҳороти муштараки раиси Ҷумҳурии Тоҷикистон Эмомалӣ Раҳмон ва раиси Ҷумҳурии Қирғизистон Сооронбой Жээнбеков қабул гардид ва санадҳои зерин имзо шуданд:

Президент Кыргызстана Сооронбай Жээнбеков и президент Таджикистана Эмомали Рахмон - Sputnik Тоҷикистон
Раҳмон ва Жээнбеков бар ҳалли мусолиматомези масоили марзӣ таъкид карданд

Созишномаи тартиби буду боши шаҳрвандони ҶТ дар қаламрави ҶҚ ва шаҳрвандони ҶҚ дар қаламрави ҶТ миёни Ҳукумати Ҷумҳурии Тоҷикистон ва Ҳукумати Ҷумҳурии Қирғизистон;

Барномаи ҳамкории тиҷорӣ — иқтисодӣ миёни Ҳукумати Ҷумҳурии Тоҷикистон ва Ҳукумати Ҷумҳурии Қирғизистон;

Созишномаи ҳамкорӣ дар бахши тандурустӣ миёни Вазорати тандурустӣ ва ҳифзи иҷтимоъии аҳолии Ҷумҳурии Тоҷикистон ва Вазорати тандурустии Ҷумҳурии Қирғизистон;

Созишномаи ҳамкорӣ дар соҳаи мубориза бо ҷиноятҳои молиявӣ ва иқтисодӣ миёни Ожонси назорати давлатии молӣ ва мубориза бо фасоди ҶТ ва Хадамоти давлатии мубориза бо ҷиноятҳои иқтисодии Ҳукумати Ҷумҳурии Қирғизистон;

Созишномаи ҳамкорӣ миёни Кумитаи телевизион ва радиои Ҳукумати Ҷумҳурии Тоҷикистон ва Вазорати фарҳанг, иттилоъот ва гардишгарии Ҷумҳурии Қирғизистон;

Барномаи ҳамкорӣ миёни Вазорати умури хориҷии Ҷумҳурии Тоҷикистон ва Вазорати умури хориҷии Ҷумҳурии Қирғизистон барои солҳои 2018 – 2020;

Созишномаи ҳамкорӣ дар заминаи омодасозӣ ва аттестатсияи кадрҳои илмӣ ва илмӣ-омӯзгории тахассуси олӣ миёни Кумисюни олии аттестатсионии Раёсати Ҷумҳурии Тоҷикистон ва Кумисюни олии аттестатсионии Ҷумҳурии Қирғизистон;

Барномаи ҳамкорӣ миёни вилояти Суғди Ҷумҳурии Тоҷикистон ва вилояти Бодканди Ҷумҳурии Қирғизистон барои устуворсозии муносибатҳои хуби ҳамсоягӣ дар солҳои 2018-2020.

“Пас аз имзои санадҳои нави ҳамкорӣ сарони ду кишвар Эмомалӣ Раҳмон ва Сооронбой Жээнбеков барои хабарнигорон нишасти матбуотӣ ороста, натиҷаҳои мулоқоту музокиротро барои рушду густариши ҳамкорӣ ва таҳкиму тавсеаи муносибатҳои дӯстӣ байни Тоҷикистону Қирғизистон неку назаррас арзёбӣ карданд”, — гуфта мешавад дар иттилоъия.

Лентаи хабарҳо
0