Нахуствазири Тоҷикистон бо Сооронбой Жээнбеков мулоқот кард

© © Пресс-служба президента КР / Султан ДосалиевПрезидент Кыргызстана и премьер министр Таджикистана, архивное фото
Президент Кыргызстана и премьер министр Таджикистана, архивное фото - Sputnik Тоҷикистон
Обуна шудан
Дар мулоқот масоили густариши ҳамкории дуҷонибаи байниҳукуматӣ дар соҳаҳои иқтисоду тиҷорат, энергетика, роҳу нақлиёт, илму фарҳанг ва ғайраҳо баррасӣ шуданд

ДУШАНБЕ, 2 фев — Sputnik. Тавре дафтари матбуотии Вазорати умури хориҷаи Тоҷикистон гузориш медиҳад, имрӯз нахуствазири Тоҷикистон Қоҳир Расулзода бо раисҷумҳури Қирғизистон Сооронбой Жээнбеков мулоқот кард.

Бино бар иттилои манбаъ, дар мулоқот масоили густариши ҳамкории дуҷонибаи байниҳукуматӣ дар соҳаҳои иқтисоду тиҷорат, энергетика, роҳу нақлиёт, илму фарҳанг ва дигар соҳаҳои мавриди таваҷҷуҳ табодули афкори судманд сурат гирифт.

Президент Кыргызстана Сооронбай Жээнбеков и президент Таджикистана Эмомали Рахмон - Sputnik Тоҷикистон
Раҳмон ва Жээнбеков бар ҳалли мусолиматомези масоили марзӣ таъкид карданд

Гуфта мешавад, аз имзои санадҳои нави ҳамкории дуҷонибаи Тоҷикистон ва Қирғизистон дар соҳаҳои гуногун, ки ба рушду тавсеаи бештари муносибатҳои байниҳукуматӣ замина мегузоранд, бо хушнудӣ истиқбол карда шуд.

Ҳарду ҷониб барои рушду тавсеи ҳамкории байниҳукуматӣ дар соҳаҳои мавриди таваҷҷуҳ ва ба манфиати мардумони ҳар ду давлат изҳори омодагию ҳавасмандӣ намуданд.

Ёдрас мешавем, раисҷумҳури Қирғизистон Сооронбай Жээнбеков рӯзи гузашта бо сафари кории дурӯза ба Тоҷикистон ташриф овард. Раисҷумҳури Тоҷикистон Эмомалӣ Раҳмон низ бо меҳмони олиқадр мулоқот кард, ки дар натиҷа чанд қарордоди нав ба имзо расид.

Лентаи хабарҳо
0