Расулзода ба Жээнбеков: ҳамкорӣ дар заминаи кишоварзӣ бароямон бартар аст

© © Сайт президента Кыргызской РеспубликиПрезидент Сооронбай Жээнбеков встретился с Премьер-министром Таджикистана Кохиром Расулзодой
Президент Сооронбай Жээнбеков встретился с Премьер-министром Таджикистана Кохиром Расулзодой - Sputnik Тоҷикистон
Обуна шудан
Раисҷумҳури Қирғизистон Сооронбой Жээнбеков дар дувумин рӯз аз сафари расмиаш ба Тоҷикистон бо нахуствазири ҶТ Қоҳир Расулзода дидору гуфтушунид кард

ДУШАНБЕ, 2 фев — Sputnik. Ба гузориши дафтари иттилоърасонии кишвардории Қирғизистон, Жээнбеков дар ин дидор хостори густаришу жарфиши ҳамкориҳои ду кишвар дар заминаҳои тиҷориву иқтисодӣ, таробарӣ, фарҳангӣ ва башарӣ шуд.

Эмомали Рахмон с Жээнбековым Сооронбаем - Sputnik Тоҷикистон
Дастовардҳои сафари раисҷумҳури Қирғизистон ба Тоҷикистон: 8 санади нави ҳамкорӣ

Вай аз тамоюли Бишкек ба афзоиши ҳаҷми тиҷорат миёни Қирғизистон ва Тоҷикистон гуфт ва ёдоварӣ кард, ки ду кишвар бояд ҳамкорӣ дар заминаи содироту воридот ва восодиротро бо таваҷҷуҳ ба узвияти Қирғизистон дар Иттиҳодияи иқтисодии Уросиё ҳамоҳанг кунанд. Дар ин замина ҳамкории бахшҳои хусусии ду кишвар муҳим арзёбӣ шуд ва Жээнбеков пешниҳод кард, ки дар наздиктарин замон ҳамоиши бозаргонҳои қирғизу тоҷик дар Бишкек баргузор шавад.

Раисҷумҳур Жээнбеков ҳамчунин хостори ҳарчи зудтар ҳалл шудани масоили таъйин ва аломатгузории марз миёни Қирғизистон ва Тоҷикистон шуд.

Нахуствазири Тоҷикистон аз дидори сарони ду кишвар ёд кард ва гуфт, ин мулоқотҳо бар густариши муносибот миёни ду ҳамсоя асари мусбат мегузоранд.

Президент Кыргызстана Сооронбай Жээнбеков и президент Таджикистана Эмомали Рахмон - Sputnik Тоҷикистон
Раҳмон ва Жээнбеков бар ҳалли мусолиматомези масоили марзӣ таъкид карданд

Расулзода гуфт, ки ҳамкорӣ бо Қирғизистон яке аз авлавиятҳои сиёсати хориҷии Тоҷикистон аст ва Душанбе хостори жарфтар кардани равобит бо кишвари дӯсту ҳамсоя, бавижа ҳамкориҳои тиҷориву иқтисодӣ аст. Мо ба ҳамкорӣ дар заминаи кишоварзӣ бартарӣ медиҳем, таъкид кард вай.

Жээнбеков ва Расулзода ҳамчунин ҳамкориҳои ду кишвар дар чорчӯби дуҷониба ва байналмилалӣ, аз ҷумла дар бахши транзит, иҷрои тарҳи CASA-1000 ва ҳамкориҳои фарҳангиву башариро баррасӣ карданд.

Лентаи хабарҳо
0