Ҳидояти Рамазон Раҳимзода аз сарбозони даъватҳои гуногуни Суғд

© Фото : Аз ВУДРамазон Раҳимзода дар вилояти Суғд
Рамазон Раҳимзода дар вилояти Суғд - Sputnik Тоҷикистон
Обуна шудан
Рамазон Раҳимзода сарбозони даъватҳои гуногунро ба муносибати бародарона, тифоқию муттаҳидӣ ва дӯстию якдигарфаҳмӣ ҳидоят намудааст

ДУШАНБЕ, 1 мар — Sputnik. Ба гузориши равобити умумии Вазорати корҳои дохилии Тоҷикистон, ммрӯз дар чорчӯби сафари хизматӣ ба вилояти Суғд, вазири корҳои дохилӣ аз қисми низомии 3501-и Раёсати қӯшунҳои дохилии ВКД боздид кардааст.

Рамазон Раҳимзода афсарон ва сарбозони ин ниҳодро аз номи Эмомалӣ Раҳмон ба муносибати 25-солагии таъсисёбии Қувваҳои мусаллаҳ табрику муборакбод гуфтаасту, дар фаъолияти хизматӣ комёбӣ таманно кардааст.

Министр МВД РТ Рамазон Рахимзода, архивное фото - Sputnik Тоҷикистон
Рамазон Раҳимзода ба раиси ноҳияи Рӯдакӣ сипоснома фиристод

Вазири корҳои дохилӣ зимни ошноӣ бо рафти хизматбарии афсарону сарбозон, корҳои ободонӣ ва иншоотҳои ёрирасони ин қисми низомӣ дидан намудааст.

Зимни мулоқот бо ҳайъати шахсии қисми низомӣ вазир сарбозонро барои хизмати содиқона ба халқу Ватан ва шомил нагардидан ба гурӯҳҳои террористию экстремистӣ даъвт намуда, қайд кардааст, ки дар ин самт бояд муборизаро пурзӯр намоянд.

"Яке аз мушкилоти ҷаҳони имрӯз ин шомилшавии баъзе аз ҷавонони ноогоҳ ба гурӯҳҳои ифротӣ мебошад", — гуфтааст Раҳимзода.

Ҳамчунин, вазири корҳои дохила оид ба муносибати хизматии байни сарбозони даъватҳои гуногун суҳбат карда, онҳоро ба муносибати бародарона, тифоқию муттаҳидӣ ва дӯстию якдигарфаҳмӣ ҳидоят намудааст.

"Шумо фарзанди як Ватану миллат буда, бояд аз худ ҳисси ватандӯстиву хештаншиносӣ ва арҷгузорӣ ба арзишҳои миллӣ зоҳир намоед", — гуфтааст вазири корҳои дохилаи Тоҷикистон.

Дар идомаи суханронӣ, Раҳимзода таъкид кардааст, ки сарбозони қисми низомӣ бояд пайваста ба машқу тамрин ва обутоби бадан машғул шуда, тамоми кӯшишу ғайрати худро баҳри такмил додани хислатҳои тобоварӣ ва истодагарӣ ҳангоми хизмат равона сохта, бо истифода аз шароитҳои муҳайёгардида касбҳои ронандагӣ, дуредгарӣ, кафшергарӣ, дӯзандагӣ ва амсоли инро аз худ намоянд.

Лентаи хабарҳо
0