“Қалъаи тоҷик” дар Макка: акнун ҳоҷиён метавонанд дар Арабистон ҳам қурутоб хӯранд

© Sputnik / Михаил Воскресенский / Гузаштан ба хазинаи аксВид на жилой комплекс Абрадж аль-Бейт с крыши мечети Масджид аль-Харам в Мекке, архивное фото
Вид на жилой комплекс Абрадж аль-Бейт с крыши мечети Масджид аль-Харам в Мекке, архивное фото - Sputnik Тоҷикистон
Обуна шудан
Yandex newsTelegram
Корофарине аз Ҳисор дар Макка Бунгоҳи фарҳангӣ ва хидматрасонӣ бунёд кардааст

ДУШАНБЕ, 6 мар — Sputnik. Ин Бунгоҳ 60 шаҳрванди Тоҷикистонро бо кор фаро гирифта, ки маккиён ва ҳоҷиёнро бо фарҳанг ва хӯрокҳои тоҷикӣ ошно мекунанд.

“Бунгоҳи фарҳанг ва хидматрасонии “Қалъаи тоҷик” дар шаҳри Макка оғоз ба кор кард”, — хабар додааст Сафорати Тоҷикистон дар Арабистони Саудӣ.

Сохтмони ин бунгоҳ тарҳе тоҷикона дорад ва бо нигораҳои тоҷикӣ ороиш дода шудааст. Кормандони он, ки ҳама шаҳрвандони Тоҷикистон ҳастанд, фарҳанг ва ошпазиву хӯрокҳои тоҷикиро ба мардуми Макка ва ҳоҷиён муаррифӣ мекунанд.

Дар маросими оғоз ба кор кардани ин бунгоҳ сафири Тоҷикистон дар Арабистон Заробиддин Қосимӣ ширкат кардааст.

“Қалъаи тоҷик” тарҳи муштаракест, ки корофарини тоҷик Абдураззоқ Саидов аз Ҳисор ва ҳамкори арабаш Риёз Абуҳабш амалӣ кардаанд.

Абдураззоқ Саидов ду сол пеш дар Макка чойхонае ҳам сохта буд.

Лентаи хабарҳо
0