Мақомоти Тоҷикистон барои табобати шоир Бозор Собир маблағ ҷудо кард

© Sputnik Амир ИсаевБозор Собир. Архивное фото
Бозор Собир. Архивное фото - Sputnik Тоҷикистон
Ҳукумати Тоҷикистон маблағи заруриро ба хонум Гулчеҳра, ҳамсари Бозор Собир, супорид

ДУШАНБЕ, 18 апр — Sputnik. Ҳукумати Тоҷикистон барои табобати шоир Бозор Собир, ки дар бемористони шаҳри Сиэтли ИМА бистарӣ аст, маблағ ҷудо кард, иттилоъ медиҳад оҷонсии ТоҷикТА.  

"Ҳукумати Тоҷикистон барои табобати Шоири халқии Тоҷикистон Бозор Собир, ки ҳоло дар бахши эҳёгарии бемористони шаҳри Сиэтли Амрико аст, маблағ ҷудо кард. Ин васоили нақдӣ, ки барои табобат нигаронида шудааст, аллакай ба ҳамсари шоир хонум Гулчеҳра супурда шуд", — қайд карданд дар  Иттифоқи Нависандагони Тоҷикистон.

Поэт Бозор Собир. Архивное фото - Sputnik Тоҷикистон
Намояндагони Сафорат то ҳол дар сари болини Бозор Собир ҳастанд

Таъкид гардид, ки дар айни ҳол вазъи саломатии шоир ноустувор аст, вале беҳбудии муваққатӣ мушоҳида мешавад. Дар бемористон шоирро намояндаи сафорати Тоҷикистон дар Вашингтон ва намояндаи доимии Тоҷикистон дар СММ Маҳмадамин Маҳдамимов ҳамроҳӣ мекунад.

Хотиррасон мекунем, ки қаблан раисиҷумҳури Тоҷикистон Эмомалӣ Раҳмон табобати Бозор Собирро зери назорати шахсии худ гирифта буд.

Бозор Собир на танҳо шоири дӯстоштаи ҳамагон аст, балки барандаи ҷоизаи давлатии ба номи Рудакӣ низ мебошад. Имсол ӯ 80-сола мешавад.

Маҷмӯаи аввалини шеърҳои вай "Пайванд" соли 1972 аз чоп баромада буд.

Ба ақидаи Бозор Собир, вазифаи ҳар як шоир — ватандӯстӣ, миллатпарастӣ, эҳтироми мероси мардумӣ, санъат, омӯзиш ва ҳифзи дастовардҳои халқ мебошад.

Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала