Меғ мефарояд: боду ҳавои Тоҷикистон барои имрӯз

© SputnikТуман в Душанбе, архивное фото
Туман в Душанбе, архивное фото - Sputnik Тоҷикистон
Cозмони ҳавошиносии Тоҷикистон иттилоъ медиҳад, ки имрӯз, 20 апрел ҳаво дар саросари кишвар тағйирёбанда шуда дар бархе аз ноҳияҳо борони кутоҳмуддат меборад

ДУШАНБЕ, 20 апр — Sputnik. Созмони ҳавошиносии Тоҷикистон ба огоҳии шаҳрвандон мерасонад, ки имрӯз дар ҷумҳурӣ ҳавои тағйирёбанда шуда дар баъзе ҷойҳо борони кӯтоҳмуддат мебораду меғ мефарояд.

Дар вилояти Суғд ҳавои тағйирёбанда шуда, дар баъзе ҷойҳо борони кӯтоҳмуддат меборад. Ҳамчунин дар баъзе ноҳияҳои дигари вилоят меғ мефарояд.  Бод аз сӯи шарқ 3-8 метр дар як сония мевазад. Ҳаво дар водиҳо шабона 4-9 ва рӯзона 13-18 дараҷа гарм хоҳад шуд.

Сильный дождь в Москве - Sputnik Тоҷикистон
Ҳушдор аз бориши борони шадид ва жола дар Тоҷикистон: аз 16 то 18

Дар Вилояти Мухтори Кӯҳистони Бадахшон ҳавои абрноки тағйирёбанда шуда, дар баъзе ноҳияҳо боридани барфу борон пешбинӣ шудааст. Дар ғарби вилоят шабона 2-3 ва рӯзона 7-12 дараҷа гарм хоҳад шуд. Дар шарқи ин вилоят ҳаво шабона 5-10 дараҷа сард ва рӯзона 5-10 дараҷа гарм мешавад.

Дар вилояти Хатлон ҳаво абрнок шуда, дар ноҳияҳои кӯҳӣ меғ мефарояд. Бод аз сӯи шарқ 3-8 метр дар як сония мевазад. Ҳаво шабона 5-10 ва рӯзона 13-18 дараҷа гарм мешавад.

Дар шаҳру ноҳияҳои тобеи марказ ҳаво абрнок шуда, боридани борони кутоҳмуддат ва ба амал омадани раъду барқ дар назар аст.
Дар баъзе ҷойҳо фаромадани меғ пешбинӣ мешавад. Ҳарорат шабона дар водиҳо 1-6 ва рӯзона 12-17 дараҷа гарм мешавад.

Дар шаҳри Душанбе ҳавои тағйирёбандаи абрнок шуда, эҳтимоли боридани борони кӯтоҳмуддат вуҷуд дорад. Ҳарорат шабона 2-4 ва рӯзона 15-17 дараҷа гарм мешавад.

Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала