Борону барф: ҳаво дар Тоҷикистон якбора номусоид мешавад

© Sputnik / Кирилл Каллиников / Гузариш ба медиабонкЛивень, архивное фото
Ливень, архивное фото - Sputnik Тоҷикистон
Обуна шудан
Шурӯъ аз имрӯз то 26 апрел шиддатёбии вазиши шамол аз самти ҷануб то 17-22 метр дар як сония вазида дар вилояти Хатлон чангу ғубор ба амал меояд

ДУШАНБЕ, 24 апр — Sputnik. Бино ба маълумоти Агентии обуҳавошиносии Тоҷикистон, аз 25 то 26 апрел яку якбора вазъи обу ҳаво номусоид гашта, боридани борон, дар баландиҳои 2500 метр боридани барф ва ба амал омадани раъду барқ дар назар аст.

Дар вилояти Хатлон ва ноҳияҳои тобеи марказ боридани жола ва пастшавии ҳарорати рӯзона то 8-10 дараҷа пешбинӣ мешавад. Инчунин, шурӯъ аз имрӯз то 26 апрел шиддатёбии вазиши шамол аз самти ҷануб то 17-22 метр дар як сония вазида дар вилояти Хатлон чангу ғубор ба амал меояд.

Имрӯз, 24 апрел дар вилояти Суғд ҳавои тағйирёбандаи бебориш шуда, шамол аз самти шарқ бо гузариш ба самти ғарб 3-8 ва дар баъзе ҷойҳо то 17-22 метр дар як сония мевазад. Ҳаво дар водиҳо шабона 14-19 ва рӯзона 25-30 дараҷа гарм хоҳад шуд.

Дар Вилояти Мухтори Кӯҳистони Бадахшон ҳавои абрноки тағйирёбанда шуда, дар ғарби вилоят шабона 1-6 ва рӯзона 17-22 дараҷа гарм хоҳад шуд. Дар шарқи ин вилоят ҳаво шабона 2-7 дараҷа сард ва рӯзона 5-10 дараҷа гарм мешавад.

Дар вилояти Хатлон ҳаво абрнок шуда, шамол аз самти шарқ 3-8 метр дар як сония мевазад. Ҳаво шабона 14-19 ва рӯзона 28-33 дараҷа гарм мешавад.

Дар шаҳру ноҳияҳои тобеи марказ ҳаво абрноки тағйирёбанда шуда, ҳарорат дар водиҳо шабона 9-14 ва рӯзона 27-32 дараҷа гарм мешавад.

Дар шаҳри Душанбе ҳавои тағйирёбандаи абрнок шуда, ҳарорат шабона 10-12 ва рӯзона 29-31 дараҷа гарм мешавад.

Лентаи хабарҳо
0