Ду зебосанами тоҷик дар озмуни "Мисс СНГ-2018" ширкат мекунанд

© © SPUTNIK / ВЛАДИСЛАВ ВОДНЕВУчастницы конкурса красоты "Мисс СНГ-2018" из Таджикистана
Участницы конкурса красоты Мисс СНГ-2018 из Таджикистана - Sputnik Тоҷикистон
Обуна шудан
Yandex newsTelegram
Ду модели тоҷик Малика Қаюмова ва Назира Мирзоева дар озмуни зебогии "Мисс СНГ-2018" Тоҷикистонро намояндагӣ мекунанд. Озмун имсол дар Остона баргузор мешавад

ДУШАНБЕ, 26 июл — Sputnik. Моделони тоҷик Малика Қаюмова ва Назира Мирзоева ҷумҳуриро дар озмуни байналмилалии зебогии "Мисс СНГ-2018", ки дар Остона баргузор мешавад, намояндагӣ мекунанд.

Озмун аллакай аз 18 июл дар Қазоқистон оғоз шуда, то фардо, 27 июл идома меёбад.

Аксҳои духтаронро вебгоҳи расмии озмун дар Инстаграм мунташир кардааст.

Малика Қаюмова пештар дар Тошканд барандаи озмуни "Роза Востока-2018"  шуда буд.

 

 

Назира Мирзиева низ дар ҷашнвораи "Мисс Тоҷикистон-2017" барандаи унвони "Мисс фотомодел" гашт. Ҳарду ҳам 18 сол доранд.

 

 

Дар озмун 17 зебосанам аз 9 кишвари ҷаҳон, аз ҷумла Русия, Озарбойҷон, Гурҷистон, Арманистон ва Латвия  барои тоҷ мубориза мебаранд.

Дар қисми расмии барнома духтарон либоси миллии кишвари худро намоиш дода, дар бозии фикрӣ иштирок мекунанд.

Ин озмун дар Қазоқистон бори аввал баргузор мешавад. Мақсад аз он рушди сайёҳӣ, шиносоӣ бо фарҳангу маданияти миллатҳои гуногун гуфта мешавад.

Лентаи хабарҳо
0