ДУШАНБЕ, 16 авг — Sputnik. Парвиз Назаров, сарояндаи маъруфи тоҷик, таҷлили 30-солагии фаъолияти эҷодияшро дар саҳна бо силсилаи консертҳо дар Тоҷикистон ҷамъбаст мекунад.
Назаров, ки аз соли 1987, аз синни 16-солагияш дар саҳна овозхонӣ мекунад, 18-19 август дар доираи Ҷашнвораи тобистонаи Душанбе ҳунарнамоӣ хоҳад кард.
Парвиз Назаров, дар саҳифаи фейсбукияш дар хитоб ба мухлисон пайём гузоштааст, ки 18-19 август соати 18:00 дар "Наврӯзгоҳ"-и Душанбе вомехӯрем.
Дар назар аст, ки баъди иштирок дар Ҷашнвораи тобистонаи Душанбе, Парвиз Назаров дар шаҳрҳои Хуҷанд, Хоруғ, Қӯрғонтеппа ва Кӯлоб низ ҳунарнамоӣ кунад.
