Кӯмак ба "Барқи тоҷик": Ҳукумат қарзи "Сангтӯда -1"-ро "бахшид"

© Sputnik / Андрей Бабушкин / Гузариш ба медиабонкСангтудинская ГЭС-1 на реке Вахш в Таджикистане, архивное фото
Сангтудинская ГЭС-1 на реке Вахш в Таджикистане, архивное фото - Sputnik Тоҷикистон
Обуна шудан
Ҳукумати Тоҷикистон қарор кардааст, ки барои коҳиши қарзи "Барқи тоҷик" аз нерӯгоҳи "Сангтӯда-1", қарзи нерӯгоҳ аз андоз бахшида шавад

ДУШАНБЕ, 20 авг — Sputnik. Тибқи қарори Ҳукумат қарзи "Барқи тоҷик" дар назди  "Сангтӯда-1" ба андозаи 50,6 миллион сомонӣ коҳиш дода мешавад. Бо ин мақсад  50 миллиону 663 ҳазору 209 сомонӣ, ки "Сангтӯда-1" аз андоз қарздор аст, лағв мегардад.

Здание энергохолдинга Барки точик, архивное фото - Sputnik Тоҷикистон
"Барқи тоҷик" хостори болобарии нархи барқ шуд

Ҳукумат "Барқи тоҷик" ва Кумитаи андози Тоҷикистонро муваззаф кардааст, ки расмиёти марбут ба ҳисобаробаркуниҳоро анҷом диҳанд.

Тибқи иттилои Вазорати энергетика ва захираҳои оби Тоҷикистон, дар ҷамъбасти нимсолаи аввали соли равон қарзи "Барқи тоҷик" аз "Сангтӯда-1" ҳудуди 1 миллиард сомониро ташкил дод.

Нерӯгоҳи "Сангтӯда-1", корхонаи муштараки Русия ва Тоҷикистон буда, ҳудуди 12 дарсади барқи Тоҷикистонро тавлид мекунад ва харидори асосии маҳсулоти нерӯгоҳ "Барқи тоҷик" мебошад.

Лентаи хабарҳо
0