Милисаҳои миллипӯш: қарори Раҳимзода барои таҳияи сарулибоси нави милисаҳо

© Фото : МВД Республики ТаджикистанМинистр МВД РТ Рамазон Рахимзода, архивное фото
Министр МВД РТ Рамазон Рахимзода, архивное фото - Sputnik Тоҷикистон
Обуна шудан
Рамазон Раҳимзода, вазири умури дохилии Тоҷикистон бо тасдиқи як қарор барои таҳияи сарулибоси нави хидматии милисаҳои кишвар озмун эълон кардааст

ДУШАНБЕ, 5 сен — Sputnik.  Тибқи иттилои ВУД, муҳлати пешниҳоди тарҳи нави либос бо аломатҳои фарқкунандаи милисаҳо то 1 октябр муқаррар шуда, хулосаи комиссияи озмун 15 октябр муайян мегардад.

Озмуни сарулибоси нави милисаҳо аз пойафзол то кулоҳро ҳам барои занон ва ҳам мардон ҳам зимистона ва ҳам тобистона фаро гирифтааст.

Вазир муқаррар кардааст, ки сарулибоси нав рангҳои сафед, хокистаранг ва кабуди торикро дошта бошад.

Общество студентов Таджикистана МОСТ, архивное фото - Sputnik Тоҷикистон
Дастурамали либоси занон таҳия шуд: тавсия алайҳи сатр, топик, нимдоман, деколте ва калӯш

Таъкид шудааст, ки либосҳои нав бо киса ва таркиби барои кор ва нигоҳдорӣ мувофиқ бошад ва ба канорҳои каҷу килеб роҳ дода намешавад.

ВУД бо пешниҳоди талабот нисбати матоъ таъкид намудааст, ки шароити обу ҳавои ин ё он минтақа, ба монанди ноҳияҳои гарми Шаҳритӯсу Қабодиён, ё сард ба монанди навоҳии Мурғобу Лахш ба назар гирифта шавад.

Вазир дар шартҳои озмун таъкид намудааст, ки "юбка" ва либосҳои занона набояд аз зону баланд бошад.

"Пойафзоли занона метавонад пошнадор бошад, аммо баландии он на бештар аз 4,5 сантиметрро ташкил диҳад", — омадааст дар шартҳои озмун.

ВУД афзудааст, ки таҳияи сарулибоси нав дар доираи ислоҳоти милиса сурат гирифта, нархи он низ аз омилҳои муҳим мебошад.

Ин ниҳод аз афроде, ки хоҳиши иштирок дар озмун ё суоле доранд, хоҳиш намудааст, ки тариқи рақамҳои 227-76-39, 934441601 дар тамос шаванд.

Лентаи хабарҳо
0