Ба Бохтар барои харидории автобусҳо 6 миллион доллар қарз доданд

© © Пресс-служба ЕБРРПодписание кредитного соглашения на 6 млн долларов на поставку автобусов в город Бохтар
Подписание кредитного соглашения на 6 млн долларов на поставку автобусов в город Бохтар - Sputnik Тоҷикистон
Шартномаи қарзӣ ба маблағи 6 миллион долларро Файзиддин Қаҳҳорзода, Вазири молияи Тоҷикистон ва Айтен Рустамова, роҳбари намояндагии БАТР дар Тоҷикистон ба имзо расонданд

ДУШАНБЕ, 7 сен — Sputnik. Бонки аврупоии таҷдиду рушд (БАТР) барои беҳбуди сатҳи хизматрасониҳои нақлиёти ҷамъиятӣ дар шаҳри Бохтар то 6 млн. доллар қарз ҷудо намудааст, иттилоъ додааст намояндагии БАТР дар Тоҷикистон.

Қарзи аз ҷониби давлат кафолатдодашуда ба корхонаи "Бохтарнақлиётхизматрасон" ба муҳлати 13 сол дода мешавад.

Автобусҳои нав аз Русия ба Хуҷанд ворид шуданд - Sputnik Тоҷикистон
Воридоти 25 автобус ба Хуҷанд ва ҳушдори шаҳрдорӣ ба ронандаҳои микроавтобусҳо

"Маблағ барои харидории 40 адад автобусҳои нав, ки истифодаи онро ба маъюбону пиронсолон осон мекунанд, масраф хоҳад шуд", — таъкид кардааст манбаъ.

Ҳамчунин ин маблағҳо ба сохтмони истгоҳои автобус ва ҷорӣ кардани низоми билетҳои электронӣ истифода хоҳад шуд.

Намояндагони бонк бар онанд, ки хадамоти нақлиёти корхонаи "Бохтар" барои беҳтар ба роҳ мондани фаъолият ва ҳисоботи молиявӣ, ҳамчунин бунёди низоми муосири пардохти маблағи роҳкиро, ки ба таҷрибаи беҳтарини байнулмилалӣ асос ёфтааст, кумак мекунад.

Инчунин манбаъ афзудааст, ки дар лоиҳа имконоти бо ҷойи корӣ таъмин кардани занон низ пешбинӣ шудааст.

БАТР ба бахшҳои гуногуни иқтисоди Тоҷикистон беш аз 608 млн. евро (700 млн. доллар) маблағгузорӣ кардааст.

 

Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала