Суҳбати Назаров баъди пирӯзӣ дар Ҷоми IAAF: бо 2 сабаб бисёр мехостам, ғолиб оям

© AP / Lee Jin-manДилшод Назаров на летних Азиатских играх 2018 в Джакарте
Дилшод Назаров на летних Азиатских играх 2018 в Джакарте - Sputnik Тоҷикистон
Обуна шудан
Дилшод Назаров, гурзандози маъруфи тоҷик, дар пайи пирӯзӣ дар Ҷоми байниқитъавии Ассосиатсияи байналмилалии федератсияҳои варзиши сабук (IAAF Continental Cup) гуфт, бо ду сабаб бисёр мехост, ки дар ин мусобиқа ғолиб ояд

ДУШАНБЕ, 10 сен — Sputnik. Назаров баъди гирифтани мақоми аввал дар мусобиқа барои Ҷоми IAAF, ки 9 сентябр дар шаҳри Остраваи Ҷумҳурии Чех баргузор шуд, изҳор дошт, ки ба ин мусобиқот бо омодагии хеле ҷиддӣ омада буд.

Дилшод Назаров. Архивное фото - Sputnik Тоҷикистон
Ашраф аз Дилшод дар БО - 2018 пеш гузашт: узрхоҳии Назаров аз мухлисони Тоҷикистон

"Бо ду сабаб бисёр мехостам, ки дар ин мусобиқа ғолиб оям. Пеш аз ҳама мехостам барои тими Осиё-Уқёнус холҳои бештар гираму мақомашро боло барам. Дуюм дар бозиҳои Осиё — 2018 ҳунарнамоии хуб накардам ва дар ин мусобиқа бояд ба ҷаҳониён исбот мекардам, ки он як тасодуфу адами тайёрии кофӣ, ё худ "форма" буд", — иттилоъ додааст пойгоҳи хабарии  IAAF аз қавли Назаров.

Назаров, ки дар мусобиқаи IAAF Continental Cup ҳар партоваш беҳтар аз пешӣ буд, ниҳоятан гурзро ба масофаи 77 метру 34 сантиметр ҳаво дода, дар мақоми аввал қарор гирифт.

"Имрӯз дар ҳар даври партофтани гурз натиҷаҳои беҳтар аз пеширо ба даст овардам, ин тактикаи хоси ман дар ҳамаи мусобиқаҳо мебошад ва хушбахтам, ки имрӯз онро ба хубӣ тавонистам татбиқ намоям", — афзудааст Дилшод Назаров.

Дильшод Назаров на чемпионате мира на Лондонском стадионе, архивное фото - Sputnik Тоҷикистон
Дилшод Назаров яке аз беҳтарин гурзандозони сол шуд

Дар мусобиқаи Ҷоми байниқитъавии Ассосиатсияи байналмилалии федератсияҳои варзиши сабук ҳашт варзишгар аз Тоҷикистон, Маҷористон, Мексика, Африқои Ҷанубӣ, Қатар, Лаҳистон, Иёлоти Муттаҳидаи Амрико ва Миср ширкат дошт. Дилшод Назаров дар ин мусобиқа бо партови хубаш аз гурзандозҳое, ки дар мавсими соли ҷорӣ дар сархати раддабандиҳо қарор доштанд, пеш гузашт.

Дар Ҷоми байниқитъавии Ассотсиатсияи байналмилалии федератсияҳои варзиши сабук (IAAF Continental Cup) дар шаҳри Остраваи Ҷумҳурии Чех беш аз 320 варзишгар аз 78 кишвар дар намудҳои гуногуни варзиш  ширкат варзиданд.

Ба варзишгароне, ки дар рақобатҳои инфиродӣ ҷойҳои аз якум то ҳаштумро гирифтанд, ҷоизаҳои молӣ муқаррар шудааст. Барои ҷойи аввал — 30 000 доллар, ҷойи дуюм — 20 000, ҷойи сеюм — 10 000, ҷойи чорум — 8000 доллари ИМА мукофотпулӣ супорида мешавад.

Лентаи хабарҳо
0