Ташвиши Раҳмон дар Роштқалъа: насби техникаи куҳна дар корхонаи нав ва иҷро нашудани нақша

© дафтари матбуоти раисиҷумҳури ТоҷикистонЭмомалӣ Раҳмон, раисиҷумҳури Тоҷикистон ҳангоми боздид аз ВМКБ
Эмомалӣ Раҳмон, раисиҷумҳури Тоҷикистон ҳангоми боздид аз ВМКБ - Sputnik Тоҷикистон
Эмомалӣ Раҳмон, раисиҷумҳури Тоҷикистон имрӯз зимни боздидаш аз ноҳияи Роштқалъа вазъи иқтисодӣ-иҷтимоиро таҳлил намуда, аз иҷро нашудани супоришҳо ва оғоз нагардидани кор дар 42 иншооти нақшавӣ нигаронӣ кардааст

ДУШАНБЕ, 12 сен — Sputnik. Тибқи иттилои дафтари матбуоти раисиҷумҳури Тоҷикистон, Эмомалӣ Раҳмон дар мулоқот бо сокинон аз он нигаронӣ кардааст, ки барноми рушди Роштқалъа барои солҳои 2016-2020, ки 142 лоиҳа ба маблағи қариб 250 миллион сомониро дар бар мегирад, дар сатҳи зарурӣ татбиқ нашуда истодааст.

Баран для жертвоприношения в мусульманский праздник Курбан-Байрам, архивное фото - Sputnik Тоҷикистон
Эмомалӣ Раҳмон: бигузор мардум донанд, ки имомхатиби Дарвоз қурбонӣ накардааст

"Аз маблағи умумии барнома 83 миллион сомонӣ ба соҳаҳои иҷтимоиву иқтисодӣ ва беш аз 156 миллион сомонӣ барои рушди инфрасохтор равона гардидааст.  Вале бояд гуфт, ки дар дуюним соли татбиқи барнома ҳамагӣ 9 фоизи он амалӣ шуда, 18 миллион сомонӣ аз худ карда шудааст. Илова бар ин, бо сабабҳои гуногун дар 42 иншоот корҳои сохтмон тибқи барномаи пешбинишуда то ҳанӯз оғоз нагардидаанд", — таъкид намудааст раисиҷумҳур.

Раисиҷумҳур роҳбарияти вилоят ва вазоратҳои дахлдорро муваззаф намудааст, ки  бо  ҷалби сармоягузорони ватаниву хориҷӣ барои дар муҳлатҳои муқарраршуда ва бо сифати баланд амалӣ кардани барномаи зикршуда тадбирҳои фаврӣ андешанд.

Эмомали Рахмон прилетел в ГБАО - Sputnik Тоҷикистон
Раҳмон дар ноҳияи Роштқалъа беморхонаи касалиҳои рӯҳӣ ифтитоҳ кард

Раисиҷумҳур таъкид намудааст, ки роҳи мошингарди Хоруғ — Роштқалъа — Чавшангозро таҳти назорати ҷиддӣ қарор диҳанд ва барои суръат бахшидани кор дар ин самт тадбирҳои иловагӣ андешанд.

"Ҳангоми сафарҳои қаблӣ ба ноҳия ба Вазорати нақлиёт ва роҳбарони ноҳияву вилоят доир ба азнавсозӣ кардани қитъаи хатарноку серсадамаи роҳи мошингард дар километри 71-74-и мавзеи Сежд супориш дода будам. Вале қитъаи мазкур то ҳол азнавсозӣ нашудааст ва мусофирону воситаҳои нақлиёт, хусусан, дар фасли зимистон ба мушкилоти зиёд рӯ ба рӯ мешаванд" — изҳор доштааст Эмомалӣ Раҳмон.

Ӯ барои ислоҳи ин вазъ ба масъулини мақомоти маҳаллӣ ва ҷумҳуриявӣ  то охири сол муҳлат дода, таъкид намудааст, ки баъди анҷоми корҳо ба Дастгоҳи иҷроияи раисиҷумҳур гузориши муфассал пешниҳод намоянд.

Председатель ГБАО Шодихон Джамшед , архивное фото - Sputnik Тоҷикистон
Норозигии раисиҷумҳур аз иҷро нашудани супоришҳо: ба раисони ВМКБ то охири сол муҳлат дод

Эмомалӣ Раҳмон таъкид намудааст, ки Роштқалъа имкониятҳои зиёд дорад, ки ҳанӯз истифода нашудаанд. Ба гуфтаи ӯ дар ноҳияи Роштқалъа барои рушди саноат, алалхусус, коркарди сангҳои гуногун, истеҳсоли масолеҳи сохтмон, коркарди мева, гиёҳҳои шифобахш ва  дигар навъҳои ашёи хом имкониятҳои зиёд мавҷуданд, вале онҳо то ҳанӯз пурра истифода нашудаанд.

Раисиҷумҳур ташвишовар хондааст, ки  ҳаҷми истеҳсоли маҳсулоти саноатӣ дар давоми панҷ соли охир қариб тағйир наёфтааст ва дар соли 2017 ба маблағи ҳамагӣ 6 миллион сомонӣ маҳсулот истеҳсол гардидааст. 

"Вазъият дар нимсолаи аввали соли ҷорӣ низ бетағйир монда, дар ин давра ягон корхона ё коргоҳи нави истеҳсолӣ ба кор андохта нашудааст, ки боиси ташвиш мебошад", — афзудааст Эмомалӣ Раҳмон.

Лоиҳаи ҳаммоми пешниҳодкардаи Кумитаи меъморӣ ва сохтмони Тоҷикистон - Sputnik Тоҷикистон
Раисиҷумҳур дар бораи навсозии деҳот ва роҳи Дарвоз - Ванҷ: 2 миллиард лозим

Ӯ инчунин изҳор доштааст, коргоҳи дӯзандагие, ки соли 2010 дар ноҳия аз ҷониби Иттиҳодияи истеҳсолии "Нассоҷии Тоҷик" ифтитоҳ шуда буд, ҳоло бо сабаби  он, ки таҷҳизоти кӯҳнаи истеъмолкунандаи нерӯи зиёди барқ дар он насб шудаасту маҳсулоти рақобатпазир истеҳсол карда наметавонад ва дар ҳолати муфлисшавӣ қарор дорад.

Раисиҷумҳур  Вазорати саноат ва технологияҳои нав ва мақомоти маҳаллиро муваззаф кардааст, ки бо ҷалби соҳибкорон ҳарчи зудтар масъалаи бо технологияҳои муосир таҷҳизонидани корхонаи мазкурро ҳал намоянду барои бунёди корхонаву коргоҳҳои нави истеҳсолӣ ва таъсис додани ҷойҳои иловагии корӣ чораҳои мушаххас андешанд.

Дар пайи боздид аз ноҳияи Роштқалъа Эмомалӣ Раҳмон ба шаҳри Хоруғ сафар кард. Феълан сафари кории Эмомалӣ Раҳмон дар маркази ВМКБ идома дорад.

Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала