Ҳалол набуд: медалҳои паҳлавони эрониро ба варзишкори тоҷик доданд

© © Sputnik Анакулов Фархад слева, занявший второе место в соревнованиях по Кыргыз курошу
 Анакулов Фархад слева, занявший второе место в соревнованиях по Кыргыз курошу - Sputnik Тоҷикистон
Обуна шудан
Дар пайи баҳси допинг медалҳои Аҳмади Мирзопур, варзишкори эронӣ ба рақиби шикастхӯрдааш аз Тоҷикистон, Фарҳод Анақулов дода шуданд

ДУШАНБЕ, 23 сен – Sputnik. Аҳмади Мирзопур, куштигири эронӣ дар мусобиқаи байналмилалии “Ҷоми Тахтӣ” паҳлавони тоҷик Фарҳод Анақуловро шикаст дода, соҳиби медали биринҷӣ гардид.

Аммо дар пайи сабқат маълум гардид, ки Мирзопур аз ташхиси допинг, ё худ доруҳои нерӯбахш нагузаштааст ва дар натиҷа медалҳои ӯ ба Анақулов дода шуданд.

Памирские Кыргызы на церемонии открытия Всемирных игр кочевников-2018 - Sputnik Тоҷикистон
Бозии ҷаҳонии қабилаҳо: дастаи Мурғоб ва Анақулов, Абдулҳаев, Ҳасанов бо медал баргаштанд

Инчунин медали тиллои Мирзопур, ки бо шикаст додани Анақулов дар Бозиҳои Осиё дар иншооти пӯшида ва ҳунарҳои размӣ соли 2017 дар Туркманистон ба даст оварда буд, ба варзишкори тоҷик гузашт.

Дар бозиҳои Осиё дар Ашқобод аз рӯи намуди паҳлавонӣ дар вазни беш аз 90 кило Аҳмади Мирзопур Фарҳод Анақуловро шикаст дода буд.

Дар маҷмуъ тими Тоҷикистон дар Туркманистон 51 медал, аз ҷумла 3 тилло, 14 нуқра ва 34 биринҷиро ба даст оварда, дар зинаи 17-ум қарор гирифта буд.

Фарҳод Анақулов ахиран дар бозиҳои сеюми ҷаҳонии кӯчиҳо, ки моҳи равон дар Қирғизистон баргузор гардид, барои тими Тоҷикистон ду медал-як тилло ва як нуқраро ба даст оварда буд.  Анақулов дар куштии  гюлеши озарӣ тилло ва дар куреши қазоқӣ нуқра гирифта буд.

Лентаи хабарҳо
0