ДУШАНБЕ, 28 сен - Sputnik. Абдулманон Нурмуҳаммедов, падар ва мураббии варзишкори Русия Ҳабиб Нурмуҳаммедов хабар дод, ки натавонист барои сафар ба Амрико дар Истамбул раводиди ИМА-ро ба даст орад.
"Ман натавонистам раводиди Амрикоро ба даст орам. Фардо аз Истамбул ба хона баргашта, штаб ташкил мекунам. Рӯзноманигорон низ барои мусоҳиба меоянд", - гуфтааст вай ба РИА Новости.
Падари варзишкор мехостааст, дар муҳорибаи писараш бо варзишкори ирландӣ Конор Маркгрегор, ки 6 сентябр дар Лас-Вегас баргузор мешавад, ширкат кунад.
Ёдрас мешавем, Конор дар нишасти матбуотӣ Нурмуҳаммедов ва падарашро таҳқир карда, онҳо тарсончак номида буд. Нурмуҳаммедов гуфта буд, адаби Маркгрегорро дар рӯзи муҳориба медиҳад.
