Варзишкори ирландӣ Конор Макгрегор дар маросими вазнкашӣ хост Ҳабиб Нурмуҳаммедов, варзишкори Русияро лату кӯб кунад. Дар ҳоле ки Ҳабиб низ омодаи ҷанг буд, онҳоро доварон аз ҳам дур карданд. Конор як мушт ба дастони Ҳабиб зад ва лагад бардошта дарафтоданӣ шуд, ки ӯро аз Ҳабиб дур карданд.
Маросими вазнкашии муҳорибаҳои қаҳрамонии UFC дар Лас-Вегас баргузор шуд. Муҳорибаи Ҳабиб ва Конор рӯзи 6 октябр баргузор мешавад.
Ҳабиб Нумуҳаммадов дар 26 муҳорибааш ҳамеша пирӯз шудааст. Конор Макгрегор дар 24 муҳориба 3 маротиба мағлуб гаштааст.
