Боздошти сармеъмор Убайдуллозода ҳангоми порагирӣ

Ожонси мубориза бо фасоди Тоҷикистон аз боздошти сармеъмори ноҳияи Носири Хусрави вилояти Хатлон иттилоъ дод, ки дар порагирию қаллобӣ муттаҳам мешавад

ДУШАНБЕ, 8 окт — Sputnik. Тибқи иттилои Ожонсӣ, ба ин ниҳод як шаҳрванд муроҷиат намуда, арз доштааст, ки сармеъмори ноҳияи Носири Хусрав, Убайдуллозода Суҳроб барои ҷудо намудани  0,6 га замини наздиҳавлиги аз ӯ 2 ҳазор сомонӣ гирифта, боз 8 ҳазор сомониро талаб карда истодааст.

“Убайдуллозода Суҳроб ҳангоми аз шаҳрванд Кучкаров Рамазон гирифтани 8 ҳазор сомонӣ дастгир гардид ва маблағи мазкур ҳамчун далели шайъӣ аз ӯ мусодира шуд”, - иттилоъ доддаст Ожонсӣ.

Манбаъ афзуд, ки алайҳи Убайдуллозода Суҳроб бо иттиҳоми қаллобӣ парвандаи ҷиноӣ оғоз гардида, тафтишот идома дорад.

Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала