Ҷанҷол барои духтар: ҷавони тоҷикро корд заданду аз ошёнаи 4 партофтанд

© PixabayПохмелье, архивное фото
Похмелье, архивное фото - Sputnik Тоҷикистон
Обуна шудан
Кумитаи тафтишотии вилояти Калуга аз боздошти ду муттаҳам дар қатли ҷавони 23-солаи тоҷик дар Обнинск хабар дод, ки дар заминаи ҷанҷол барои духтар рух додааст

ДУШАНБЕ, 10 окт — Sputnik. Тибқи иттилои тафтишот 5 октябр, марҳум ва яке аз муттҳамон, сокини маҳаллии 24-сола дар манзили истиқоматии як духтар майнӯшӣ кардаанд.

Хирурги на операции, архивное фото - Sputnik Тоҷикистон
Ҷанҷол дар беморхона: ҳамшираи шафқатро дар Душанбе бо қайчӣ задаанд

Дар ин миён муттаҳам бо ҷавони тоҷик, бо баҳонаи он, ки гӯиё ӯ бо духтар муносибати густохона кардааст, вориди муноқиша мешавад. Бар асоси тафтишоти пешакӣ, муттаҳам дар пайи латукӯб, марҳумро буғӣ карда, бо корд ба ронаш зарба задааст.

“Сипас ҷавони маҳаллии 23-сола ба ҷои ҳодиса омадааст ва онҳо якҷоя ҷавони тоҷикро, ки ҳанӯз зинда будааст, аз тирезаи ошёнаи чорум партофтаанд”, - иттилоъ додаанд расонаҳои маҳаллӣ аз қавли муфаттишон.

Ҷасади шаҳрванди 23-солаи Тоҷикистон 6 октябр дар назди хонаҳои истиқоматии бисёрошёна пайдо шудааст.

Кумитаи тафтишотии вилояти Калуга изҳор доштааст, ки далелҳои шайъӣ мусодира шуда, муттаҳамон дар боздошт мебошанд. Бозпурсии шоҳидон, ташхис ва таҳқиқот феълан идома дорад, изҳор доштааст манбаъ.

Лентаи хабарҳо
0