Баҳси роҳи оҳан то Туркманистон, САSA-1000 ва таҳдидҳо дар мулоқоти Раҳмон бо Абдуллоҳ

© дафтари матбуоти раисиҷумҳури ТоҷикистонЭмомалӣ Раҳмон, раисиҷумҳури Тоҷикистон ва Абдуллоҳ Абдуллоҳ, раиси иҷроияи Афғонистон
Эмомалӣ Раҳмон, раисиҷумҳури Тоҷикистон ва Абдуллоҳ Абдуллоҳ, раиси иҷроияи Афғонистон - Sputnik Тоҷикистон
Эмомалӣ Раҳмон, раисиҷумҳури Тоҷикистон 11 октябр дар Қасри миллат, бо раиси иҷроияи Афғонистон Абдуллоҳ Абдуллоҳ, густариши ҳамкориҳоро баррасӣ кардааст

ДУШАНБЕ, 11 окт — Sputnik. Тибқи иттилои дафтари матбуоти раисиҷумҳури Тоҷикистон, Эмомалӣ Раҳмон зимни мулоқот изҳор доштааст, ки аз рӯзҳои аввали  соҳибистиқлолӣ саъю талош меварзем, то дар кишвари дӯсту ҳамсояи мо - Афғонистон сулҳу салоҳи комил ҳукмфармо бошад.

Президента Туркменистана Гурбангулы Бердымухамедов и президент РТ Эмомали Рахмон - Sputnik Тоҷикистон
Эътирози Ашқобод алайҳи изҳороти сафири Тоҷикистон дар Тошканд

“Ҷонибҳо аз бархӯрдҳои хунин дар кишварҳои исломӣ, паҳншавии фаъолияти харобиовари нерӯҳои террористиву экстремистӣ, шиддат гирифтани рақобатҳои геополитикӣ ва геостратегӣ изҳори нигаронӣ карданд”, - омадааст дар иттилоияи дафтари матбуоти раисиҷумҳури Тоҷикистон.

Инчунин таъкид гардидааст, ки муборизаи муштарак бар зидди таҳдидҳои глобалӣ, чун  терроризми байналмилалӣ, ифротгароӣ, қочоқи маводи мухаддир ва дигар шаклҳои  ҷинояткории созмонёфтаи фаромиллӣ, густариши ҳамкории амниятии кишварҳоро тақозо мекунад.

Пробка из фур, архивное фото - Sputnik Тоҷикистон
Туркманистон роҳи мошинҳои самти Тоҷикистонро кушод

“Ҳамкорӣ дар соҳаи энергетика ва инфрасохтори роҳ ҳамчун самтҳои афзалиятноки муносибатҳо арзёбӣ гардида, татбиқи барномаи САSA-1000, бунёди роҳи оҳани Тоҷикистон-Афғонистон-Туркманистон, намунаи беҳтарини робитаҳои дуҷониба номида шуд”, - омадааст иттилоияи котиботи раисиҷумҳури Тоҷикистон.

Зикри роҳи оҳани Тоҷикистон-Афғонистон-Туркманистон дар ин мулоқот дар ҳолест, ки ахиран мақомоти туркман изҳори норозигӣ карданд, ки ҷониби Тоҷикистон бунёди ин лоиҳаро ба таъхир гузоштааст.

Аммо мақомоти тоҷик иддао дар бораи таъхири татбиқи лоиҳаро рад намуда, хабарҳо дар ин бораро бепоя хонданд.

Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала