Шавҳар ба воситаи Google Maps хиёнати ҳамсарашро ошкор кард

© © Sputnik Google поиск, архивное фото
Google поиск, архивное фото - Sputnik Тоҷикистон
Обуна шудан
Сокини Перу ҳангоми ба воситаи Google Maps муайян кардани самти роҳ, акси ҳамсарашро дар оғӯши марди бегона дидааст. Шавҳар аз хиёнати зан огоҳ шуда, ба ӯ талоқ додааст

ДУШАНБЕ, 11 окт — Sputnik. Як сокини Перу пас аз ошкор кардани хиёнати ҳамсар ба воситаи  Google Maps ӯро талоқ додааст.

Гуфта мешавад, мард вақте ки ба воситаи  барномаи Google роҳ меҷуст, чашмаш ба ҷуфте афтод, ки яке аз онҳо ҳамсари вай буд. Дар зонуи ҳамсараш марде хоб мекард.

​Ба гуфтаи шавҳар, ӯ дар акс андоми ҳамсарашро дида натавонист, аммо аз либоси вай муайян кард, ки ҳамсари ӯст.

Свадьба, архивное фото - Sputnik Тоҷикистон
Рашку хиёнат: Дилшод барои қасди қатли Нодира боз маҳбасӣ шуд

Маълум шудааст, ки акс панҷ сол пешатар гирифта дар барномаи Google ҷой дода шуда будааст. Аммо мард  аз қарораш даст накашидааст.

Пештар як сокини Испанияро барои қироати номаҳои ҳамсараш дар шабакаи иҷтимоӣ ба ду соли зиндон маҳкум карда буданд.

Додгоҳ ӯро дар ҷосусӣ нисбати ҳамсар дар WhatsАpp ва паҳн кардани маълумоти шахсии ҳамсар муҷрим шинохтааст.

Месенджер WhatsApp, архивное фото - Sputnik Тоҷикистон
Шавҳарро барои хондани смс-ҳои ҳамсар дар WhatsАpp ду сол зиндон карданд

Ҳамчунин додгоҳ мардро аз ҳуқуқи наздик шудан ба ҳамсар ва сӯҳбат бо вай маҳрум кард.

Зан ҳамчунин аз додгоҳ талаб кардааст, ки ҳамсарашро барои таҷовуз ва лату кӯб  ба 78 соли зиндон маҳкум кунанд. Аммо зан далели таҷовуз шуданашро аз ҷониби ҳамсар исбот карда натавонистааст.

Ба иттилои додситон, дар рафти тафтишот маълум карда шуд, ки шавҳар аз барномаи ҷосусӣ истифода намуда, навиштаҳои ҳамсарашро дар WhatsАpp пайгирӣ мекардааст.

Шавҳар номаҳои саршор аз муҳаббати занашро бо дигар мардон аксбардорӣ карда, онро зидди ҳамсараш истифода бурдааст.

Додгоҳ қарор кард, ки ин корҳои мард ба зиндагии шахсии зан дахолат ҳисоб ёфта, ҳамсар дар пайи он зарари ҷиддӣ дидаааст.
Барои ҳамин нисбати мард ҳумки маҳрум кардан аз озодӣ содир шудааст.

Лентаи хабарҳо
0