Супориши Раҳимзода баъди тирпарронӣ: милисаҳои фурудгоҳ иваз карда шаванд

© Фото : МВД Республики ТаджикистанМинистр МВД РТ Рамазон Рахимзода, архивное фото
Министр МВД РТ Рамазон Рахимзода, архивное фото - Sputnik Тоҷикистон
Як қатор кормандон ВУД Тоҷикистон, ки шаъну эътибор ва обрӯи мақомотро паст заданду ба рафторҳои ношосита роҳ додаанд, аз вазифаҳояшон озод карда шудаанд

ДУШАНБЕ, 11 окт — Sputnik. Тибқи фармони Рамазон Раҳимзода, вазири корҳои дохилии Тоҷикистон, сардори шуъбаи кофтукови ҷиноятии милитсияи фурудгоҳи Душанбе Рустам Саъдиев, ки ба сӯи корманди зертобеъи худ дар фурудгоҳи Душанбе тир парронида буд, аз кор озод карда шуд, иттилоъ додааст хабаргузории ТоҷикТА.

Ба иттилои манбаъ инчунин бо фармони вазир сардорони шуъбаҳои милитсияи шаҳри Норак ва ноҳияи Вахш низ аз мансабҳояшон сабукдӯш карда шуданд.

Таджикская милиция проведет разъяснительные работы не границе с Узбекистаном - Sputnik Тоҷикистон
ВУД дар Душанбе амалиёти прафилактикии “Одоби шаҳрдорӣ” мегузаронад

Ҳамчунин вазири корҳои дохила дастур додааст, ки дар шуъбаи милитсияи фурудгоҳ пурра ҷойивазкунии кадрҳо анҷом дода шавад.

Ёдрас мешавем, ки рӯзи 6 октябр сардори шуъбаи кофтукови ҷиноятии Фурудгоҳи байнулмилалии Душанбе Рустам Саъдиев дар ҷойи корӣ бо зертобеъаш Ниёзмаҳмад Алиеви ба муноқиша пардохта, аз силоҳи шахсиаш ба сӯӣ ӯ тир парондааст.

Қайд шудааст, ки Рустам Саъдиев ва ҷабрдида – Ниёзмаҳмад Алиев замони рух додани ҳодиса дар ҳолати мастӣ қарор доштаанд.

Дар ҳоли ҳозир, сардори шуъбаи кофтукови ҷиноятии милитсияи фурудгоҳ боздошт шуда ва нисбати ӯ парвандаи ҷиноятӣ оғоз гардидааст.

Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала