Эрон омодааст ҳамкориҳояшро бо Тоҷикистон тақвият бахшад

© SputnikФлаги Ирана и Таджикистана, архивное фото
Флаги Ирана и Таджикистана, архивное фото - Sputnik Тоҷикистон
Эрон ва Тоҷикистон вазъи ҳамкориҳои иқтисодӣ, тиҷоратӣ ва фании ду кишварро баррасӣ намуданд

ДУШАНБЕ, 15 окт — Sputnik.  Муртазо Сармадӣ, муовини аввали вазири корҳои хориҷии Эрон, ки барои иштирок дар 17-умин иҷлоси Шӯрои сарони давлатҳои узви СҲШ ба шаҳри Душанбе омада буд, бо Усмоналӣ Усмонзода, вазири энергетика ва захираҳои оби Тоҷикистон мулоқот намуд, иттилоъ додааст сафорати Эрон дар Тоҷикистон.

Мулоқоти Сироҷиддин Муҳриддин бо Муовини аввали вазири корҳои хориҷии Эрон Муртазо Сармадӣ - Sputnik Тоҷикистон
Баррасии ҳамкориҳои Тоҷикистону Эрон дар Душанбе

Ба гуфтаи манбаъ, ҳайати Эрон дар мулоқот бо вазири энергетикаи Тоҷикистон, ки раиси тоҷикии комиссияи муштараки иқтисодии ду кишвар мебошад, масъалаи ҳамкориҳои иқтисодӣ, ба хусус дар соҳаи энергетикаро баррасӣ намуд.

Тарафайн зимни баррасии охирин вазъияти ҳамкориҳои иқтисодӣ, тиҷоратӣ ва фании ду кишвар, бар заруррати густариш ва тақвияти ин ҳамкориҳо дар чорчӯби комиссияи муштараки иқтисодӣ таъкид намуданд.

Муртазо Сармадӣ зимни мулоқот афзудааст, ки Эрон барои тақвияти муносиботи ҳамаҷониба бо Тоҷикистон ба вижа дар ҳавзаи иқтисодӣ омода мебошад.    

Дар ҳамин ҳол вазири энергетикаи Тоҷикистон Усмоналӣ Усмонзода ба ҳамкориҳои хуби ду кишвар ба хусус дар соҳаи энергетика ишора намуда,  аз амалкарди ширкатҳо ва муҳандисони эронии фаъол дар тарҳҳои Тоҷикистон, ба хусус дар сохтмони нерӯгоҳи Роғун таъкид намуд.

Президент Ирана Хасан Рухани, архивное фото - Sputnik Тоҷикистон
Раисҷумҳурии Эрон мардуми Тоҷикистонро ба рӯзи Истиқлолият табрик кард

Ёдрас мешавем, ки Муртазо Сармадӣ, муовини аввали вазири корҳои хориҷии Эрон бо Сироҷиддин Муҳриддин, вазири корҳои хориҷии Тоҷикистон мулоқот анҷом дод.

имни мулоқот маҷмуи васеи масъалаҳои марбут ба ҳамкориҳои Тоҷикистону Эрон мавриди баррасӣ қарор дода шуд.

Вазорати корҳои хориҷа таъкид намудааст, ки зимни мулоқот ҳамзамон тарафҳо ҳамкориҳои ду кишвар дар доираи созмонҳои ҷаҳонию минтақавӣ, аз ҷумла СММ ва СҲШ мубодилаи афкор сурат гирифт.

Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала