Боздошти нозири андоз ба иттиҳоми ришваситонӣ дар бозор

© Sputnik / Стас ЭтвешВзятка, архивное фото
Взятка, архивное фото - Sputnik Тоҷикистон
Обуна шудан
Корманди кумитаи андоз дар шаҳри Турсунзода дар бозори марказии шаҳр аз як мард 1000 сомонӣ пора талаб карда, гирифтааст

ДУШАНБЕ, 24 окт — Sputnik. Вазорати умури дохилаи Тоҷикистон хабар медиҳад, ки як корманди Кумитаи андоз дар шаҳри Турсунзода ба иттиҳоми ришваситонӣ боздошт шудааст.

Бино бар иттилои манбаъ, кормандони милиса ҳангоми гузаронидани чорабиниҳои оперативӣ-ҷустуҷӯӣ марди 28-солаи сокини ноҳияи Рӯдакӣ, нозири андози шаҳри Турсунзодаро ҳамчун гумонбар дар гирифтани пора дастгир намуданд. 

Номбурда, рӯзи 20-уми октябри соли 2018, тахминан соати 18:30-дақиқа, дар худуди бозори марказии шаҳри Турсунзода аз марди 24-солаи сокини шаҳри Турсунзода 1000-сомониро ҳамчун пора талаб намуда, гирифтааст.

 1000-сомонӣ ҳамчун далели шайъӣ гирифта шуда, нисбати мард мутобиқи моддаи 319 қисми 4 Кодекси ҷиноятии Ҷумҳурии Тоҷикистон парвандаи ҷиноӣ  оғоз гардида, тафтишот идома дорад.

Лентаи хабарҳо
0