Сабти ном бомуваффақият анҷом ёфт!
Хоҳиш менамоем ба пайванде, ки тариқи равон шудааст, гузаред

Тасмими таъсиси корхонаи муштараки Тоҷикистону Русия барои картошкапарварӣ

Русия ва Тоҷикистон тасмим доранд созишнома дар бораи таҳвили ду ҳазор тонна навъҳои беҳтарини тухмии картошкаро ба имзо расонанд

ДУШАНБЕ, 25 окт – Sputnik. Русия ва Тоҷикистон тасмим гирифтанд, ки корхонаи муштарак барои истеҳсоли тухмии картошка таъсис диҳанд, гуфтааст Алексей Майоров, роҳбари Кумитаи Шӯрои Федератсия доир ба сиёсати иқтисодӣ дар доираи мизи мудаввар дар палатаи болоии парлумони Русия.

Эмомали Рахмон и яблоки - Sputnik Тоҷикистон
Таъкиди Эмомалӣ Раҳмон аз кам шудани кишти картошка ва пахта дар ноҳияи Бохтар

Ба гуфтаи вай, Иттифоқи картошкапарварии Русия ва корхонаи давлатии “Навъҳои тухмии Тоҷикистон”-и Вазорати кишоварзӣ дар чаҳорчубаи мизи мудаввар дар ин бора протоколро ба имзо хоҳанд расонд.

“Имзои протоколи мазкур имконият медиҳад созишнома дар бораи таҳвили ду ҳазор тонна тухмиҳои картошкаи беҳтарин дар давоми солҳои 2019-2022 ва инчунин сохтани корхонаи муштараки истеҳсоли тухмии картошка дар Тоҷикистон ба имзо расад”,-гуфт Алексей Майоров.

Майоров таъкид кард, ки масъалаи таҳвили навъҳои беҳтарини картошка алакай дар чаҳорчубаи мулоқоти роҳбарони ҳукуматҳои ҳарду кишвар моҳи майи соли 2018 дар шаҳри Душанбе баррасӣ шуда буд.

Бозори Шоҳмансур, акс аз бойгонӣ - Sputnik Тоҷикистон
Фурӯшандаҳои Хуҷандро нархи дулор нигарон кардааст: "картошка 5 сомонӣ"

Дар рафти Анҷумани байнипорлумонии Тоҷикистону Русия аз Вазорати рушди иқтисод хоҳиш карда шуд, ки дар ҳамкорӣ бо Вазорати кишоварзӣ  масъалаи маблағгузории ин лоиҳаро баррасӣ намоянд.

Раиси Кумита инчунин хабар дод, ки 70 дарсади гардиши молу коло миёни Русияву Тоҷикистон ба ҳамкориҳои байниминтақавӣ рост меоянд.

Бо вилоятҳои ва сохторҳои ҳукуматии Тоҷикистон беш аз 80 минтақаҳои Русия ҳамкорӣ доранд.  

Лентаи хабарҳо
0
Нахуст ҷадидҳоНахуст кӯҳнаҳо
loader
Дар нашр
Заголовок открываемого материала