Овозхонҳои номии тоҷик Нозияи Кароматулло ва Муҳаммадрофеи Кароматулло таронаи "Эй ишқи рӯҳафзо"-и шодравон Кароматуллоҳи Қурбон ва Ширинмоҳ Ниҳоловаро бозсароӣ карданд.
Мухлисони Нозияи Кароматулло аз мунташир шудани намоҳанги тозаи Нозия изҳори хушнудӣ карда, онро нишонаи бозгашти сароянда ба саҳна унвон кардаанд.
Тавре дар намоҳанги тарона дида мешавад, Нозия зоҳиран имеҷи худро нав кардааст. Ӯ бо мӯйҳои ҷингила ва чун ҳамеша абрӯвони сиёҳи тоҷиконааш намудор мешавад. Мухлисонаш дар шарҳҳои зери суруд навиштаашон аз имеҷи тозаи сароянда пазироӣ кардаанд.
