Портфели - Sputnik Тоҷикистон
Тағйироти кадрӣ дар Тоҷикистон
Хабарҳои дигари таъйину барканориҳо дар Тоҷикистонро аз ин пайванд пайдо мекунед

Тағйироти кадрӣ: аз Шоҳ Искандаров то сардорони нави милиса дар Нораку Данғара - акс

© Пресс-служба Президента Республики ТаджикистанПрезидент Таджикистана Эмомали Рахмон назначил новые кадры в МВД
Президент Таджикистана Эмомали Рахмон назначил новые кадры в МВД - Sputnik Тоҷикистон
Обуна шудан
Эмомалӣ Раҳмон, раисиҷумҳури Тоҷикистон кадрҳои навтаъин ба мақомҳои роҳбарикунанда дар Вазорати умури дохилиро ба ҳузур пазируфт

ДУШАНБЕ, 3 дек — Sputnik.  Тибқи иттилои дафтари матбуоти раисиҷумҳури Тоҷикистон, сардорони шуъбаҳои Вазорати корҳои дохилӣ дар 23 шаҳру ноҳияҳои мамлакат иваз карда шуданд.

Новые кадровые назначение в МВД - Sputnik Тоҷикистон
Кӣ чӣ вазифа гирифт? феҳрасти генералу полковникҳое, ки имрӯз мансаб гирифтанд

Манбаъ афзуд, сардорони шуъбаҳои Вазорати корҳои дохилӣ дар шаҳри Норак, ноҳияҳои Кушониён, Дӯстӣ, Шамсиддини Шоҳин, Данғара, Панҷ, Восеъ ва Муминободи вилояти Хатлон аз ҳисоби кадрҳои ҷавону ботаҷриба ва дорои дараҷаи тахассуси баланд таъин гардиданд. Бо феҳрасти генералу полковникҳоеро, ки имрӯз мақоми нав гирифтанд, метавонед бо зер кардани ин пайванд шинос шавед.

“Сардорони шуъбаи Вазорати корҳои дохилӣ дар шаҳри Хуҷанд, шуъбаҳои №1 ва 2-и Вазорати корҳои дохилӣ дар шаҳри Исфара, шуъбаҳои Вазорати корҳои дохилӣ дар шаҳрҳои Конибодом ва Истаравшан, ноҳияҳои Шаҳристон, Кӯҳистони Мастчоҳ, Айнӣ ва Деваштичи вилояти Суғд низ иваз карда шуданд”, - омадааст дар иттилоия.

Ҳамчунин сардорони шуъбаҳои Вазорати корҳои дохилӣ дар шаҳрҳои Турсунзода ва Ваҳдат, шуъбаи №1-и Вазорати корҳои дохилӣ дар ноҳияи Синои шаҳри Душанбе, ноҳияи Шаҳринав, сардори Муассисаи давлатии таълимии “Коллеҷи милитсия”-и Вазорати корҳои дохилӣ дар шаҳри Кӯлоб ва сардори шуъбаи  Вазорати корҳои дохилӣ дар хатти фурудгоҳи шаҳри Душанбеи раёсати вазорат дар нақлиёт таъин гардиданд.

Рахмон Юсуф Ахмадзод генеральный прокурор РТ, архивное фото - Sputnik Тоҷикистон
Раҳмон, Ятимов ва генералҳои дигар мубориза бо саркардаҳои гуруҳи ҷиноиро баррасӣ карданд

Генерал Шоҳ Искандаров, собиқ фармондеҳи мухолифин, ки то ҳол сардори идораи милиса дар шаҳри Турсунзода буд, аз ин мақом барканор шудааст. Искандаров ба мақоми сардори ШКД дар шаҳри Исфара таъин гардидааст. 

Эмомалӣ Раҳмон кадрҳои навтаъиншударо ба кор бо дасту дилу нияти пок барои волоияти қонун, таъмини амният, ҳуқуқу озодиҳои шаҳрвандон ва мусоидат дар раванди созандагию бунёдкорӣ бо меҳнати садоқатмандонаву софдилона даъват кардааст.

Раисиҷумҳури Тоҷикистон диққати кадрҳоро махсусан ба масъалаи мубориза алайҳи ифротгароӣ, пешгирии ҷинояткории муташаккили фаромиллӣ ва гардиши ғайриқонунии маводи нашъаовар ва дигар қонуншиканиҳо ҷалб намудааст.

Лентаи хабарҳо
0