Назари русиягиҳо: муҳоҷирон аз куҷо оянду чӣ кор кунанду чӣ суду зарар доранд?

© Sputnik / Марина Маковецкая / Гузариш ба медиабонкТаджикские трудовые мигранты в поезде, архивное фото
Таджикские трудовые мигранты в поезде, архивное фото - Sputnik Тоҷикистон
Обуна шудан
Маркази умумурусиягии омӯзиши афкори омма – “ВЦИОМ” натиҷаи назарпурсии русиягиҳоро дар мавриди муҳоҷирон пешниҳод кард

ДУШАНБЕ, 19 дек — Sputnik. Тибқи ин назарпурсӣ, 51 дарсади русиягиҳо бовар доранд, ки муҳоҷирон омили афзоиши ҷинояткорӣ дар кишваранд ва 49 дарсад аз афзоиши рақобат дар бозори меҳнат гуфтаанд.

Руководитель пресс-службы Росреестра Арина Макарова - Sputnik Тоҷикистон
"Росреестр" Парвиз Тӯхтасуновро мутахассиси ҳирфаӣ хонд

Дар ҳамин ҳол 48 дарсад баён доштаанд, ки муҳоҷирон талабот ба нерӯи кории камтахассус ва дорои музди камро қонеъ мекунанд.

Ҳудуди 53 дарсад муҳоҷиронро сабаби афзоиши шиддати иҷтимоӣ дар Русия намедонанд. Дар баробари ин 43 дарсад изҳор доштаанд, ки раванди муҳоҷират ба иқтисоди Русия таъсири манфӣ дорад.

Нисфи мусоҳибон ҷонибдорияшонро аз вуруди хориҷиёни ҷавону мутахассис баён дошта, хостори ҷорӣ намудани маҳдудиятҳо барои вуруди афроди ноқобилу камсавод шудаанд.

Нархи патенти муҳоҷирон барои соли 2019 дар Русия  - Sputnik Тоҷикистон
Арзиши патент барои муҳоҷирон дар Русия дар соли 2019

Русиягиҳо инчунин муносибати манфиашонро ба ҳузури хориҷиҳо дар бахшҳои гуногун изҳор доштаанд.

Аз ҷумла алайҳи кори хориҷиҳо дар ҳукуматҳои маҳаллию мақомоти худидора – 74%, мақомоти ҳифзи ҳуқуқ – 69% ва мухолифи кори муҳоҷирон дар бахши  маориф ва нақлиёти ҷамъиятӣ – 58 дарсадӣ овоз додаанд.  Ҳузури муҳоҷиронро дар бозорҳои ғизо танҳо 40 дарсад ҷонибдорӣ кардаанд.

Русиягиҳо дар маҷмуъ ҷонибдорияшонро аз сафари шаҳрвандони Белорус, Олмон ва Қазоқистон баён доштаанд. Дар феҳрасти кишварҳое, ки русиягиҳо вуруди шаҳрвандонашонро хуш надоранд, Тоҷикистон, Узбакистон, Украина, ИМА ва Чин ворид шудаанд.

Лентаи хабарҳо
0